ట్రెండింగ్
సెలూన్ షాప్‌‌లోకి సీఎం చంద్రబాబు.. యజమానికి సర్‌ప్రైజ్ గిఫ్ట్
Andhra Pradesh Telugu | Suryaa Desk | Published : Sat, Apr 12, 2025, 06:47 PM
ఆంధ్రప్రదేశ్ ముఖ్యమంత్రి నారా చంద్రబాబు నాయుడు శుక్రవారం ఏలూరు జిల్లాలో పర్యటించారు. ఆగిరిపల్లి మండలం వడ్లమానులో పర్యటించిన సీఎం.. మహాత్మా జ్యోతిరావు ఫులే జయంతి కార్యక్రమంలో పాల్గొన్నారు. అనంతరం గ్రామంలో కులవృత్తులు చేసుకునేవారి ఇళ్లకు వెళ్లారు చంద్రబాబ. వారు పడుతున్న సమస్యలు అడిగి తెలుసుకున్నారు. ఈ క్రమంలోనే నక్కబోయిన కోటయ్య అనే వ్యక్తి ఇంటికి వెళ్లారు. ఆయన పశువుల పాకను పరిశీలించారు. అనంతరం బత్తుల జగన్నాథం అనే వ్యక్తికి చెందిన సెలూన్ షాపును పరిశీలించారు. ఆయన కుటుంబం ఆర్థిక పరిస్థితిని అడిగి తెలుసుకున్నారు. అనంతరం అత్యాధునిక పరికరాలతో కూడిన కిట్‌ను సెలూన్ షాపు యజమానికి అందించారు చంద్రబాబు.
|
|