బెంగళూరు మెట్రో స్టేషన్‌లో రెచ్చిపోయిన జంట,,,,సోషల్ మీడియాలో వైరల్ అవుతోన్న వీడియో

దేశ రాజధాని ఢిల్లీ మెట్రో వివాదాల్లో ఇరుక్కునంతగా మరే నగరం వార్తల్లో నిలవలేదు. వెకిలి చేష్టలు, విచ్చలవిడి రొమాన్స్, మహిళను చూస్తూ హస్త ప్రయోగం ఇలా వికృత కార్యకలాపాలకు ఢిల్లీ మెట్రో కేరాఫ్‌గా మారిపోయింది. ఢిల్లీ మెట్రోలో అధర చుంబనాలు, హగ్గులు ఒకటేమిటి ఇలా ఒక వీడియో తర్వాత మరో వీడియో రెండు మూడు రోజులకొకసారి సామాజిక మాధ్యమాల్లో వైరల్ అవుతూనే ఉన్నాయి. తాజాగా, ఆ జాబితాలో బెంగళూరు మెట్రో కూడా చేరింది. ఒక జంట మెట్రో స్టేషన్‌లో అసభ్యంగా ప్రవర్తించిన వీడియో సోషల్ మీడియాలో వైరల్ అవుతోంది. దీనిపై నెటిజన్లు ఆగ్రహం వ్యక్తం చేస్తున్నారు. ఇది మెట్రో ప్రయాణాల్లో మహిళల భద్రత, బహిరంగ ప్రదేశాల్లో అసభ్య ప్రవర్తనపై మరోసారి చర్చకు దారితీసింది.

బెంగళూరు మెట్రో స్టేషన్‌లో తోటి ప్రయాణికులు ఉన్నారనే సిగ్గు ఎగ్గూలేకుండా ఒక జంట అసభ్యంగా ప్రవర్తించింది. 1.25 నిమిషాల ఈ వీడియోను @karnatakaportfolio అనే యూజర్ X (ట్విట్టర్)లో గురువారం పోస్ట్ చేశారు. ‘బెంగళూరు మెట్రోలోనూ ఢిల్లీ మెట్రో కల్చర్‌వైపు పయనిస్తుందా? నమ్మ మెట్రో స్టేషన్ వద్ద ఇటువంటి ప్రర్తన బెంగళూరులో మర్యాద గురించి ప్రశ్నలను లేవనెత్తుతుంది’ అని పేర్కొన్నారు.

వైరల్ అవుతోన్న ఆ వీడియోలోని యువకుడు... యువతి టీషర్టులో చేయి పెట్టి అసభ్యంగా ప్రవర్తించాడు. తమ పక్కనే తోటి ప్రయాణికులతో పాటు పెద్దవాళ్లు ఉన్నా.. ఇంగితం లేకుండా రెచ్చిపోయాడు. ఇది చూసిన నెటిజన్లు తీవ్రంగా మండిపడుతున్నారు. ఢిల్లీ మెట్రోలా బెంగళూరు మెట్రో కూడా తయారవుతోందని కొందరు ఆందోళన చెందుతున్నారు. ఆ జంట ప్రవర్తన వల్ల తోటి ప్రయాణికులు ఇబ్బంది పడ్డారు.

‘బహిరంగ ప్రదేశాల్లో ఇలాంటి అసభ్యకర ప్రవర్తనను ఖండిస్తున్నాం’ అని మండిపడుతున్నారు. అంతేకాదు, మెట్రో స్టేషన్లలో భద్రతను పెంచాలని డిమాండ్ చేస్తున్నారు. ఇలాంటివి పునరావృతం కాకుండా కఠిన చర్యలు తీసుకోవాలని కోరుతున్నారు. బెంగళూరు మెట్రోలో ఇలాంటి ఘటనలు జరగడం ఇదే మొదటిసారి కాదని కొందరు అంటున్నారు. బహిరంగ ప్రదేశాల్లో అసభ్యకర ప్రవర్తనను ప్రజలు సహించకూడదని అంటున్నారు. మెట్రో స్టేషన్లలో సీసీటీవీ కెమెరాలు ఏర్పాటు చేసి, భద్రతా సిబ్బందిని పెంచాలని డిమాండ్ చేస్తున్నారు.