పరిటాల శ్రీరామ్ కి 2+2 భద్రత పునరుద్ధరణ
Andhra Pradesh Telugu | Suryaa Desk | Published : Tue, Sep 16, 2025, 07:47 PM
తెలుగుదేశం పార్టీ నేత, ధర్మవరం నియోజకవర్గ ఇన్చార్జి పరిటాల శ్రీరామ్ భద్రత విషయంలో రాష్ట్ర ప్రభుత్వానికి హైకోర్టు కీలక ఆదేశాలు జారీ చేసింది. ఆయనకు 2+2 భద్రతను వెంటనే పునరుద్ధరించాలని స్పష్టం చేసింది. గతంలో తనకు కల్పించిన భద్రతను గత వైసీపీ ప్రభుత్వం తొలగించడాన్ని సవాలు చేస్తూ శ్రీరామ్ దాఖలు చేసిన పిటిషన్పై న్యాయస్థానం ఈ మేరకు తీర్పు వెలువరించింది.వివరాల్లోకి వెళితే, గత టీడీపీ ప్రభుత్వ హయాంలో పరిటాల శ్రీరామ్కు 2+2 పద్ధతిలో భద్రతను కల్పించారు. అయితే, రాష్ట్రంలో ప్రభుత్వం మారిన తర్వాత ఆయన భద్రతను పూర్తిగా ఉపసంహరించారు. ఈ నిర్ణయం రాజకీయ ప్రేరేపితమని భావించిన శ్రీరామ్, తన భద్రతను పునరుద్ధరించాలని కోరుతూ హైకోర్టును ఆశ్రయించారు.ఈ పిటిషన్పై విచారణ చేపట్టిన ఉన్నత న్యాయస్థానం, ఇరుపక్షాల వాదనలను పరిగణనలోకి తీసుకుంది. అనంతరం, పరిటాల శ్రీరామ్కు మునుపటిలాగే 2+2 భద్రతను కల్పించాలని రాష్ట్ర ప్రభుత్వాన్ని ఆదేశిస్తూ ఉత్తర్వులు జారీ చేసింది.
|
|