కేరళలో మళ్లీ భయపెట్టే వైరస్.. మెదడును తినే 'నెగ్లేరియా ఫౌలెరి'తో 19 మంది మృతి
national | Suryaa Desk | Published : Thu, Sep 18, 2025, 03:55 PM
కేరళ రాష్ట్రంలో అరుదైన మరియు ప్రాణాంతకమైన వైరస్ మరోసారి కలకలం రేపుతోంది. ‘నెగ్లేరియా ఫౌలెరి’ అనే అమీబా వల్ల ఇప్పటి వరకు 19 మంది ప్రాణాలు కోల్పోయారు. ఈ వైరస్ మెదడును టార్గెట్ చేసి తీవ్రమైన ఆరోగ్య సమస్యలకు దారితీస్తోంది. ఇప్పటివరకు 61 మంది ఈ వ్యాధి బారిన పడ్డట్లు అధికారులు వెల్లడించారు.
ఈ ప్రాణాంతక వ్యాధి నిల్వ ఉన్న నీటిలో వృద్ధిచెందే నెగ్లేరియా ఫౌలెరి అనే సూక్ష్మజీవి ద్వారా వ్యాపిస్తుందని వైద్య నిపుణులు హెచ్చరిస్తున్నారు. చెరువులు, కాలువలు, కుంటలు, సరస్సుల వంటి నిల్వ నీళ్లలో స్నానం చేయడం వల్ల ఈ అమీబా ముక్కు ద్వారా శరీరంలోకి ప్రవేశించి మెదడును దెబ్బతీస్తుంది.
ఈ వ్యాధి లక్షణాలు మొదట స్వల్పంగా కనిపించినప్పటికీ, వేగంగా వ్యాపించి ప్రాణాపాయ స్థితికి తీసుకెళ్లే అవకాశం ఉంది. తలనొప్పి, జ్వరము, వాంతులు, విరేచనాలు మొదట కనిపించే లక్షణాలు. తరచుగా సరైన సమయంలో చికిత్స లేకపోతే రోగి మరణించడమే చూస్తున్నారు వైద్యులు.
ఇటీవలి కాలంలో అరుదైన వైరస్లు కేరళలో ఎక్కువగా నమోదవుతున్నాయి. గతంలో నిఫా వైరస్ మరియు కొవిడ్-19 మొదటి కేసులు కూడా కేరళలోనే వెలుగుచూశాయి. ప్రజలు అప్రమత్తంగా ఉండాలని, బయట నిల్వ నీళ్లలో స్నానం చేయకూడదని ఆరోగ్య శాఖ హెచ్చరించింది. శుభ్రత పాటించడం, నీటి వనరులను పరిశుభ్రంగా ఉంచడం అత్యవసరం.
|
|