మెట్రో ట్రాక్‌లపై రాళ్లు ఎందుకు ఉండవు? రైల్వే ట్రాక్‌లకి, మెట్రో ట్రాక్‌లకి మధ్య ఉన్న తేడాలు ఇవే!

మన దేశంలో అత్యంత రద్దీగా ఉండే ప్రయాణ సాధనాల్లో రైలు ఒకటి. రైల్వే ట్రాక్‌లపై చిన్న చిన్న గులకరాళ్లను మనం గమనిస్తూ ఉంటాం. అయితే మెట్రో రైలు పట్టాలపై ఈ రాళ్లు కనిపించవు. మీరు ఎప్పుడైనా దీని గురించి ఆలోచించారా? ఈ రైల్వే ట్రాక్‌లపై ఉండే రాళ్లను బ్యాలస్ట్ అని అంటారు. ఇవి సాధారణ రైలు ప్రయాణానికి చాలా ముఖ్యమైనవి. రైల్వే ట్రాక్‌లు వేయడానికి, వాటిని సరిగ్గా నిర్వహించడానికి బ్యాలస్ట్ చాలా అవసరం. ఈ రాళ్లు పట్టాల కింద బలంగా స్థిరత్వాన్ని అందిస్తాయి. తద్వారా భారీ రైళ్ల బరువు పంపిణీ అవుతుంది. దీనివల్ల రైలు సురక్షితంగా వెళ్తుంది.
సాధారణ రైలు పట్టాలు చాలా భారీగా ఉండే బ్యాలస్ట్‌, స్లీపర్స్, పట్టాలతో కూడిన సంప్రదాయ పద్ధతిలో నిర్మించబడతాయి. రైలు బరువు, వేగం బట్టి పట్టాలపై బరువు పంపిణీ అవసరం. బ్యాలస్ట్ ఈ బరువును సమర్థవంతంగా పంపిణీ చేస్తుంది. అలాగే పట్టాలను కదలకుండా స్థిరంగా ఉంచుతుంది. దీంతో పాటు, ఈ రాళ్లు నీటిపారుదల వ్యవస్థను మెరుగుపరుస్తాయి, పట్టాల కింద నీరు నిలవకుండా చూస్తాయి. ఇది పట్టాలు తుప్పు పట్టకుండా కాపాడుతుంది. అంతేకాక, ఈ బ్యాలస్ట్ ట్రాక్‌ల వెంట కలుపు మొక్కలు పెరగకుండా నిరోధిస్తుంది, నిర్వహణ ఖర్చును తగ్గిస్తుంది.
మెట్రో ట్రాక్‌లకు బ్యాలస్ట్ అవసరం ఉండదు. ఎందుకంటే వాటి నిర్మాణం, వినియోగం పూర్తిగా భిన్నంగా ఉంటాయి. మెట్రో రైళ్లు బరువులో చాలా తక్కువగా ఉంటాయి, వేగంగా ప్రయాణించినా వాటి బయాంకర్ శక్తి తక్కువగా ఉంటుంది. మెట్రో ట్రాక్‌లు సాధారణంగా కాంక్రీట్ స్లాబ్‌లపై నిర్మించబడతాయి. ఈ నిర్మాణ పద్ధతికి బ్యాలస్ట్ అవసరం లేదు. దీనిని బ్యాలస్ట్‌లెస్ ట్రాక్ అంటారు. దీని వల్ల నిర్వహణ చాలా సులభం అవుతుంది. మెట్రో ట్రాక్‌లు ఎక్కువ పట్టణ ప్రాంతాల్లో నిర్మించబడతాయి. ఇక్కడ స్థలం తక్కువగా ఉంటుంది. దీంతో బ్యాలస్ట్‌లెస్ ట్రాక్‌లను ఉపయోగించడం నిర్మాణానికి అనుకూలంగా ఉంటుంది.
ఆధునిక సాంకేతికత, ఇంజనీరింగ్ పురోగతి వల్ల మెట్రో ట్రాక్‌లను మెరుగైన రీతిలో నిర్మిస్తున్నారు. ఈ బ్యాలస్ట్‌లెస్ ట్రాక్‌లు అత్యంత ఖచ్చితత్వంతో నిర్మించబడతాయి. రైళ్లు సాఫీగా, నిశ్శబ్దంగా ప్రయాణించేలా చూస్తాయి. అంతేకాక, పట్టణ ప్రాంతాల్లో తరచుగా ట్రాక్‌ల నిర్వహణ అవసరాన్ని తగ్గిస్తాయి. ఈ కారణంగానే మెట్రో ట్రాక్‌లు బ్యాలస్ట్‌పై ఆధారపడవు.