10వ తరగతి విద్యార్హత ఉండి పొరుగు రాష్ట్రాల్లో ఉద్యోగం – Indian Coast Guard నావిక్ నియామకం

తాజాగా విడుదలైన నోటిఫికేషన్ ప్రకారం, మోటార్ ట్రాన్స్‌పోర్ట్ డ్రైవర్, మల్టీ-టాస్కింగ్ స్టాఫ్ (MTS), లాస్కార్ 1వ తరగతి, డ్రాఫ్టీ (ATS), ప్యాకర్ (MTS) వంటి పోస్టుల భర్తీకి మొత్తం 9 ఖాళీలు ఉండగా, ఈ పోస్టుల నోటిఫికేషన్ సెప్టెంబర్ 27, 2025న విడుదలై, దరఖాస్తుల స్వీకరణ ఇప్పటికే ప్రారంభమై ఉంది. దరఖాస్తులు నవంబర్ 11, 2025నపు చివరి తేదీ వరకు స్వీకరించబడతాయి.ఈ పోస్టులకు దరఖాస్తు చేసుకోవడానికి కనీసం పదో తరగతి ఉత్తీర్ణత ఉండాలి. వయస్సు పరిమితి 18 నుంచి 27 సంవత్సరాల మధ్య ఉండగా, లాస్కార్ 1వ తరగతి పోస్టులకు గరిష్ట వయస్సు 30 సంవత్సరాలు. మోటార్ ట్రాన్స్‌పోర్ట్ డ్రైవర్ పోస్టులకు హెవీ మరియు లైట్ మోటార్ వెహికల్ డ్రైవింగ్ లైసెన్స్ ఉండటం తప్పనిసరి కాగా, కనీసం 2 సంవత్సరాల అనుభవం ఉండాలి. ఇతర పోస్టులకు సంబంధిత రంగంలో కనీసం 2 సంవత్సరాల అనుభవం ఉండాలి. లాస్కార్ 1వ తరగతి పోస్టుల కోసం బోటుపై కనీసం 3 సంవత్సరాల సేవ అనుభవం అవసరం.ఎంపికైన అభ్యర్థులకు Pay Level 02 ప్రకారం ₹19,900 నుండి ₹63,200 మధ్య జీతం అందుతుంది. అదనపు భత్యాలు కలిపి నెలవారీ జీతం ₹69,100 వరకు ఉండవచ్చు. ఎంపిక ప్రక్రియలో రాత పరీక్ష (ఆబ్జెక్టివ్), స్కిల్/ట్రేడ్ టెస్ట్ మరియు మెరిట్ జాబితా ఉన్నాయి.దరఖాస్తులు ఆఫ్‌లైన్ రూపంలో స్వీకరించబడతాయి. దరఖాస్తు ఫారమ్ నోటిఫికేషన్ నుండి డౌన్లోడ్ చేసుకుని, దానితో పాటు చెల్లుబాటు అయ్యే ఐడీ ప్రూఫ్, విద్యార్హత సర్టిఫికెట్లు, అవసరమైతే కుల ధృవీకరణ పత్రాలు, అనుభవ పత్రాలు, రెండు పాస్‌పోర్ట్ సైజు ఫోటోలు మరియు ₹50 విలువైన పోస్టల్ స్టాంప్ జతచేయాలి. దరఖాస్తులను "ది కమాండర్, కోస్ట్ గార్డ్ రీజియన్ (ఎ అండ్ ఎన్), పోస్ట్ బాక్స్ నం. 716, హడ్డో (పిఒ), శ్రీ విజయపురం 744102, అండమాన్ & నికోబార్" కు పంపాలి.ఈ అవకాశాన్ని వినియోగించి పదో తరగతి ఉత్తీర్ణులైన అభ్యర్థులు ప్రభుత్వ ఉద్యోగం పొందవచ్చు. మరింత సమాచారం కోసం అధికారిక వెబ్‌సైట్‌ను సందర్శించవచ్చు.