ఎక్కువ నూనే లేని పూరీలు ఇలా చేసుకోండి

ఇంట్లో స్పెషల్ అకేషన్ ఏదైనా ఉందంటే పూరీని కచ్చితంగా చేస్తారు. పూరీని మనం వెజ్, నాన్‌వెజ్ ఇలా ఏ కాంబినేషన్‌తో తిన్నా కూడా అదిరిపోతుంది. పైగా తిన్న చాలాసేపటివరకూ కడుపు నిండుగా ఉంటుంది. రోజూ తింటే బరువు పెరుగుతాం. ఆయిల్ కారణంగా లేని పోని సమస్యలు వస్తాయని భయపడి చాలా మంది వీటిని పక్కనపెట్టేస్తారు కానీ, పూరీ అంటే చాలా మందికి ఇష్టం ఉంటుంది. వారంలో ఓ సారైనా స్పెషల్‌గా తినాలనుకుంటారు. కొంతమందికి రోజూ పెట్టినా తినేస్తారు అంత ఇష్టం ఉంటుంది. అయితే, వీటిని అంతగా హెల్దీ ఫుడ్‌గా ప్రిఫర్ చేయకపోవడానికి కారణం ఎక్కువగా నూనె పీల్చడమే. నూనెలో ఫ్రై చేస్తాం. కాబట్టి, నూనె ఎక్కువగా పీలుస్తుంది. అలా కాకుండా తక్కువగా ఆయిలీగా ఉంటే తినడానికి అంతగా భయపడరు. దీనికోసం కొన్ని చిట్కాలు ఉన్నాయి. పూరీలు కాల్చేటప్పుడు వాటిని ఫాలో అయితే చాలు ముందుకంటే నూనె తక్కువగా పీలుస్తుంది. పూరీలు అంత ఆయిలీగా ఉండవు వీటిని తినడానికి ఇక భయం ఉండదు.

పిండి కలపడం

పూరీలు చేయడానికి చాలా మంది బయట దొరికే పూరీ పిండిని మైదా పిండిని వాడతారు. కారణం. ఇవి ఎక్కువగా పొంగుతాయని, కాకపోతే ఇవి ఆరోగ్యానికి ఎంత మాత్రం మంచివి కాదు. బయట హోటల్స్‌లో ఎలాగూ తప్పదు. కానీ, ఇంట్లో కూడా అలాంటి ఇలాంటి పిండి ఎందుకు చక్కగా గోధుమ పిండి వాడండి. దీంతో ఎన్ని తిన్నా కడుపుకి అస్సలు హెవీగా అనిపించదు. తిన్నామనే తృప్తి ఉంటుంది. మైదాతో తినే పూరీలు త్వరగా అరగవు. పైగా కొలెస్ట్రాల్ పెరుగుతుంది. కానీ, గోధుమపిండితో తయారుచేసే పూరీతో ఆ బాధ ఉండదు. కాబట్టి, అసలైన గోధుమపిండి. అది కూడా బయట కొన్నది కాకుండా మీరే స్వయంగా మిల్లులో పట్టించింది వాడితే మరీ మంచిది. దీని వల్ల చాలా వరకూ మన ఆరోగ్యం మన చేతుల్లోనే ఉన్నట్లుగా ఉంటుంది.

పిండి కలిపేటప్పుడు

పిండి కలిపేటప్పుడు గుర్తుంచుకోవాల్సిన విషయం కాస్తా గోరువెచ్చని నీరు, పుల్లని పెరుగు వేయండి. పెరుగు లేకపోతే సోర్ క్రీమ్ కూడా వాడొచ్చు. దీని వల్ల పూరీలు చక్కగా పొంగుతాయి. పిండి చక్కగా సాగుతుంది. ఇలా వీటిని కలిపి పెట్టుకున్న పిండిని కనీసం అరగంటైనా నాననివ్వాలి. పిండి ముద్దపై ఓ గుడ్డని కప్పడి మరువొద్దు. అది కాస్తా తడిగా ఉండాలి. దీని వల్ల పిండిలోని మాయిశ్చర్ పోదు. పిండి పొడిగా మారదు. ఇలా నానిన పిండితో పూరీలు చేస్తే చక్కగా సాగుతాయి. నూనెలో వేయగానే పొంగుతాయి. ఇలా నానిన పిండి ఎక్కువ నూనెని పీలుస్తాయి అంటారు. కానీ, అలా పీల్చకుండా మన దగ్గర కిటుకు ఉంది.

పూరీ చేయడం

ఇప్పుడు కలిపిన పిండి నుంచి చిన్న చిన్న బాల్స్ చేసి పూరీలు చేయండి. పూరీ చేసేటప్పుడు పిండి వాడకుండా కాస్తా ననె రాయండి. దీంతో పూరీలు చక్కగా వస్తాయి. ఎక్కువగా పల్చగా కాకుండా మరీ మందంగా కాకుండా మీడియంగా పూరీలు చేయండి. ఇవన్నీ కూడా చెప్పాలా మాకు తెలుసు కదా అనుకునేరు. పూరీలే కాదండి. ఏవీ చేసినప్పుడైనా చిన్న చిన్న కిటికులు ఫాలో అయితే, అవి పర్ఫెక్ట్‌గా వస్తాయి. అదే విదంగా, అందిరీకీ అన్నీ విషయాలు తెలియవు కదా. ఒత్తుకున్న పూరీలను రెండు చేతులతో తీసి ఓ సారి దులపండి. ఇలా పూరీలన్నింటిని ఒత్తుకోండి. అయితే, వీటిని ఆరిపోకుండా వెంటవెంటనే కాల్చేస్తే బాగుంటుంది. లేదంటే అన్నీ ఓసారి ఫ్రై చేయొచ్చు. అప్పటివరక పూరీలపై క్లాత్ కప్పితే ఆరిపోకుండా ఉంటాయి.

నూనె వేడి చేయడం

ఇక్కడే అసలైన కిటుకు దాగి ఉంది. పూరీలు కాల్చడానికి నూనె వేడి చేయండి. అందులో కొద్దిగా ఉప్పు, 2 టూత్ పిక్స్ వేయండి. దీంతో నూనె తక్కువ పీల్చుకునేలా చేసినవారవుతాం. ఇప్పుడు ఒక్కో పూరీని వేసి రెండువైపులా కాలిస్తే బంతుల్లా పొంగుతాయి. బయటికి తీసిన పూరీలకి కొద్దిగా కూడా నూనె ఎక్కువగా ఉండదు. ఇలా అన్నీ పూరీలు కాల్చుకోండి. మంట ఎక్కువైతే అడ్జస్ట్ చేసుకుంటూ కాల్చండి. ఇంకేముంది తక్కువ నూనెతో పూరీలు రెడీ అయ్యాయి. వీటిని ఆస్వాదించడమే.

గుర్తుంచుకోవాల్సిన విషయాలు

ఇలా తయారైన పూరీలు తక్కువ నూనెని పీలుస్తాయి. అయినప్పటికీ రోజూ ఇలా చేసుకుని తినడం మంచిది కాదు. ఎందుకంటే నూనెలోనే వేయిస్తాం. కాబట్టి, ఎప్పుడైనా అకేషనల్లీ చేసినప్పుడు కూడా నూనె తక్కువగా పీల్చాలనుకునేవారు ఈ టిప్‌ని ఫాలో అయి చక్కగా పూరీలను ఎంజాయ్ చేయొచ్చు. కాస్తలో కాస్తైనా నూనె తక్కువగా ఉండే పూరీలను ఎంజాయ్ చేస్తాం.