మోదీ ఒక అసమానమైన నాయకుడు
Andhra Pradesh Telugu | Suryaa Desk | Published : Thu, Oct 16, 2025, 05:48 PM
ప్రధానమంత్రి నరేంద్ర మోదీపై చంద్రబాబు ప్రశంసల వర్షం కురిపించారు. "నేను ఎంతో మంది ప్రధానులతో కలిసి పనిచేశాను, కానీ మోదీ వంటి అసమానమైన నాయకుడిని ఎప్పుడూ చూడలేదు. ఎలాంటి విశ్రాంతి లేకుండా దేశ ప్రగతి కోసం నిరంతరం శ్రమిస్తున్నారు. ఆయన మనందరి భవిష్యత్తును కాపాడే నాయకుడు. సరైన సమయంలో దేశానికి లభించిన సరైన నేత మోదీ," అని అన్నారు. పాతికేళ్లుగా ముఖ్యమంత్రిగా, ప్రధానమంత్రిగా ప్రజా సేవలో స్థిరంగా నిలిచిన మోదీకి ఈ 21వ శతాబ్దం చెందుతుందని ధీమా వ్యక్తం చేశారు. ప్రధాని మోదీ దార్శనికత వల్లే 2047 నాటికి ప్రపంచంలో భారత్ను అగ్రస్థానంలో నిలపాలనే లక్ష్యంతో దేశం ముందుకు సాగుతోందని చంద్రబాబు కొనియాడారు. ఆయన నాయకత్వంలోనే దేశ ఆర్థిక వ్యవస్థ 11వ స్థానం నుంచి నాలుగో స్థానానికి చేరిందని గుర్తు చేశారు. మాటలతో కాకుండా చేతలతో సమాధానం చెప్పే వ్యక్తి మోదీ అని, 'ఆపరేషన్ సిందూర్' ద్వారా దేశ సైనిక శక్తిని ప్రపంచానికి చాటి చెప్పారని అన్నారు.
|
|