క్వాటర్ బాటల్ మద్యం 70 రూపాయలకే అందిస్తున్న బెల్ట్ షాపు
Andhra Pradesh Telugu | Suryaa Desk | Published : Fri, Oct 17, 2025, 03:21 PM
చిత్తూరు జిల్లాలోని గంగాధర నెల్లూరు మండలం ఎస్ఎస్ కొండ వద్ద రెండు బెల్ట్ షాపుల మధ్య గొడవ తారా స్థాయికి చేరింది. వైసీపీ వర్గానికి చెందిన బెల్ట్ షాపులో చాలా తక్కువ ధరకే మద్యం లభ్యం కావడంతో జనం ఎగబడ్డారు. బెల్ట్ షాపులో క్వాటర్ బాటల్ మద్యం 70 రూపాయలకే అమ్ముతున్నారు. దీంతో రోజుకు లక్షల్లో వ్యాపారం జరుగుతోంది. ఈ షాకే మందుబాబులు ఎక్కువగా రావడంతో మరో బెల్ట్ షాపుకు వ్యాపారం గణనీయంగా తగ్గింది. దీంతో ఆ బెల్ట్ షాపు యజమాని రెచ్చిపోయాడు. తక్కువ ధరకే మద్యం అమ్ముతున్న బెల్ట్ షాపు యజమానిపై దాడికి దిగాడు. దీంతో ఇరువురి మధ్య ఘర్షణ తారాస్థాయికి చేరింది. ఈ దాడి ఒకరు తీవ్రంగా గాయపడటంతో వెంటనే అతడిని ఆస్పత్రికి తరలించారు.అయితే విషయం పెద్ద మనుషుల పంచాయితీకి వెళ్లింది. వారు ఇద్దరి మధ్య రాజీ కుదర్చినప్పటికీ సమస్య సద్దుమణగని పరిస్థితి. ములకలచెరువు వద్ద బయటపడ్డ నకిలీ మద్యం ఘటనకు ముందే ఇది చోటు చేసుకున్నప్పటికీ ఆలస్యంగా వెలుగులోకి వచ్చింది. మొలకలచెరువు నకిలీ మద్యం దిగుమతి చేసుకుని తక్కువ ధరకు విక్రయించారానే అనుమానాలు వ్యక్తం చేస్తూ సోషల్ మీడియాలో వైరల్ చేశారు.
|
|