ముఖంపై నల్లమచ్చలు తగ్గేందుకు విటమిన్ సి సీరమ్ రాయాలా, ట్యాబ్లెట్స్ వాడాలా

మొటిమలు, మొటిమల మచ్చలు చాలా కామన్ ప్రాబ్లమ్. కానీ, వీటిని తగ్గించుకునేందుకు మనం ఎన్నోప్రయత్నాలు చేస్తాం. కారణం, మచ్చల్లేని చర్మమంటే చాలా మందికి ఇష్టం. కాబట్టి, చర్మంపై మచ్చల్ని దూరం చేసుకునేందుకు రకరకాల ఫేస్‌ప్యాక్స్, మాస్క్ అలా ట్రై చేస్తుంటాం. వీటిలో విటమిన్ సి కూడా ఒకటి. దీనిని వాడడం వల్ల చర్మ రంగు మెరవడమే కాకుండా మచ్చలు, హైపర్ పిగ్మంటేషన్ వంటివి కూడా తగ్గుతాయి. అయితే, విటమిన్ సి ట్యాబ్లెట్స్ తీసుకున్నా, సీరమం వాడినా సమస్య తగ్గుతుందా, అసలు నల్ల మచ్చలు తగ్గేందుకు ట్యాబ్లెట్స్, సీరమ్ రెండింటిలో ఏది మంచిది? ఇలాంటి కన్‌ఫ్యూజన్‌లో ఉంటారు చాలా మంది. దీనికోసం ఎక్స్‌పర్ట్స్ ఏం చెబుతున్నారో తెలుసుకోండి.

ఎక్స్‌పర్ట్స్ ప్రకారం

ఫేమస్ డెర్మటాలజిస్ట్ అంకుర్ సరిన్ తన ఇన్‌స్టాగ్రామ్ అకౌంట్‌లో ఓ వీడియోని షేర్ చేశారు. విటమిన్ సి శరీరానికి ముఖ్య పోషకం. దీని వల్ల కొల్లాజెన్ ఉత్పత్తి అవుతుంది. చర్మాన్ని దృఢంగా, ఆరోగ్యంగా ఉంచడమే కాకుండా ఇమ్యూనిటీని పెంచుతుంది. దీంతో పాటు చర్మంపై మచ్చల్ని తగ్గించి, మెరుపుని అందిస్తుంది.

ట్యాబ్లెట్స్ తీసుకుంటే

ట్యాబ్లెట్స్ తీసుకుంటే

డాక్టర్ ప్రకారం విటమిన్ సి మంచిదే. అయితే, దానిని మనం ట్యాబ్లెట్‌లా తీసుకుంటే కొద్దిగా మాత్రమే లాభం ఉంటుంది.అధ్యయనాల ప్రకారం, విటమిన్ సి ట్యాబ్లెట్స్ తీసుకుంటే అందులో 2 శాతం మాత్రమే చర్మానికి అందుతుంది. మిగతాది శరీరంలో వివిధ పనులకి ఉపయోగపడుతుంది. కాబట్టి, మచ్చలు తగ్గి మెరుపు పొందడానికి ట్యాబ్లెట్స్ వాడడం వల్ల అంతగా ఉపయోగం ఉండదు.

సీరమ్ వాడితే

మీరు విటమిన్ సి వాడితే దాని ఎఫెక్ట్ త్వరగా తెలుస్తుంది. సీరమ్ చర్మంపై పొరల్లోకి లోతుగా చొచ్చుకుపోయి అక్కడ నుండి మచ్చలు, మొటిమల్ని తగ్గించి స్కిన్‌ని బ్రైట్‌గా మారుస్తుంది. మొటిమల తాలుకూ మచ్చలు త్వరగా తగ్గి పిగ్మెంటేషన్ కూడా దూరమవుతుంది. పైగా చర్మ రంగు పెరుగుతుంది.

ఎఫెక్టివ్‌గా పనిచేయాలంటే

విటమిన్ సి సీరమ్ మరింత ఎఫెక్టివ్‌గా వర్క్ చేయాలంటే విటమిన్ ఇ, ఫెరులిక్ యాసిడ్‌తో కలిపి అప్లై చేయొచ్చు. దీని వల్ల మంచి రిజల్ట ఉంటుంది. ఇలా చేస్తే త్వరగా మచ్చలు తగ్గుతాయి. చర్మ కాంతి పెరుగుతుంది. అయితే, మీరు వీటిని వాడే ముందు నేరుగా రాయకుండా ప్యాచ్ టెస్ట్ చేయడం మంచిది. దీని వల్ల ఆ ప్రోడక్ట్ మనకి పడుతుందో లేదో తెలుస్తుంది.

మెరుగైన రిజల్ట్స్ కోసం

మెరుగైన రిజల్ట్స్ కోసం

వీటితో పాటు మరికొన్ని టిప్స్ కూడా ఫాలో అవ్వాలి.

రోజూ సన్‌స్క్రీన్ వాడాలి. ఎస్‌పీఎఫ్ 30 అంతకంటే ఎక్కువది వాడాలి. ప్రతీ రెండుగంటలకి ఓ సారి రీ అప్లై చేయాలి. బయటికి వెళ్లినప్పుడు అరగంట ముందు నుంచే రాయాలి.

దీంతో పాటు మొటిమల్ని గిల్లొద్దు.

స్కిన్‌ని కవర్ చేసే బట్టలు వేసుకోవాలి.

ఎండలో తక్కువగా వెళ్ళాలి. అవసరముంటేనే వెళ్లాలి.

రెగ్యులర్ స్కిన్‌కేర్ రొటీన్ ఫాలో అవ్వాలి.