లాత్వియా దేశంలో,,,,భర్తలను అద్దెకు తెచ్చుకుంటున్న మహిళలు

మన దేశంలో అంటే ఆడపిల్లలను భారంగా భావిస్తారు. పుట్టబోయేది అమ్మాయి అని తెలిస్తే చాలు తల్లి గర్భంలో ఉండగానే చిదిమేస్తారు. నేటి కాలంలో కూడా ఆడపిల్లలను వద్దనుకునేవారు చాలా మంది ఉన్నారు. ఫలితంగా మన దేశంలో మహిళల జనాభా తగ్గి పురుషుల సంఖ్య పెరిగిపోతుంది. పెళ్లీడుకొచ్చే సరికి.. చాలా మంది మగవాళ్లకి అమ్మాయిలు దొరక్క నానా తిప్పలు పడుతున్నారు. వయసు మీద పడుతున్న కొద్ది.. పెళ్లి గురించి బెంగ ఎక్కువ అయ్యి.. ఆఖరికి ఎదురు కట్నం ఇచ్చి మరీ పెళ్లి చేసుకుంటున్నారు. ఇది మన దగ్గర పరిస్థితి. కానీ ఓ దేశంలో మాత్రం పురుషుల సంఖ్య తగ్గిపోవడంతో ఆడవాళ్లు.. భర్తలని అద్దెకు తెచ్చుకుంటున్నారు.

మరి భర్తలను అద్దెకు తెచ్చుకుంటున్న ఆ దేశం ఎక్కడ ఉంది అంటే.. ఉత్తర ఐరోపాలో. లాత్వియా దేశంలో మగవారికి డిమాండ్ బాగా పెరిగింది. వివాహం, ఇంటి పనుల్లో సాయం చేసేందుకు భాగస్వామి దొరక్క అక్కడి మహిళలు తీవ్రంగా ఇబ్బంది పడుతున్నారు. ఇంటి పనుల్లో తమకు సాయం చేసేందుకు గాను... గంటలు, రోజుల లెక్కన భర్తలను అద్దెకు తెచ్చుకుంటున్నారు. స్త్రీ, పురుష లింగ నిష్పత్తిలో తేడా బాగా పెరగడం వల్లే.. లాత్వియా దేశంలో ఈ వింత పరిస్థితి వచ్చిందని.. ‘ది న్యూయార్క్‌ పోస్ట్‌’ ఓ కథనాన్ని ప్రచురించింది.

లాత్వియాలో పురుషుల జనాభా కన్నా.. మహిళల సంఖ్యే అధికంగా ఉంది. ఈ దేశంలో పురుషులతో పోలిస్తే.. మహిళల జనాభా.. 15.5 శాతం అధికంగా ఉంది. లాత్వియా దేశంలో ప్రతీ 100 మంది పురుషులకు 115 మంది స్త్రీలు ఉన్నారు. అదే 65 ఏళ్లు అంతకంటే ఎక్కువ వయసు ఉన్న వారి విషయానికి వస్తే.. పురుషుల కన్నా మహిళలు 2 రెట్లు అధికంగా ఉన్నారు. దీంతో దేశంలో ఎక్కడ చూసినా ఆడవారే అధికంగా కనిపిస్తున్నారు ఆఖరికి పని ప్రదేశంలో కూడా ఎటు చూసినా స్త్రీలే కనిపిస్తున్నారని.. ఆ దేశ మహిళలు వాపోతున్నారు. దేశంలో మగవారి జనాభా భారీగా తగ్గడం వల్ల.. లాత్వియా మహిళలు.. భాగస్వామి కోసం విదేశీయుల వైపు చూడాల్సి వస్తుంది.

మగ తోడు దొరక్కపోవడంతో.. ఇంటి పనుల్లో తమకు సాయం చేయడం కోసం లాత్వియా మహిళలు భర్తలను అద్దెకు తెచ్చుకుంటున్నారు. మరో విచిత్రం ఏంటంటే.. ఆన్‌లైన్ వేదికగా అద్దె భర్తలను ఆర్డర్ పెట్టుకుంటున్నారు. వారు ఇంటికి వచ్చాక.. అద్దె భర్తలతో కలిసి.. ఇంటి పనులు పూర్తి చేసుకుంటున్నారు. ఇందుకు గాను రోజులు, గంటల చొప్పున పురుషులను అద్దెకు తెచ్చేకుంటున్నారు.

లాత్వియా దేశంలో లింగ నిష్పత్తిలో ఇంత భారీ మొత్తంలో తేడా రావడానికి ప్రధాన కారణం.. ఇక్కడ పురుషులు ఆయుర్దాయం తగ్గిపోవడమే అని నిపుణులు చెబుతున్నారు. పొగతాగడం, ఊబకాయం వంటి అనారోగ్య సమస్యలే లాత్వియాలో పురుషుల సంఖ్య తగ్గిపోవడానికి ప్రధాన కారణాలని చెబుతున్నారు.