జూన్ 11న ప్రారంభం కానున్న 2026 ఫిఫా ప్రపంచకప్
sports | Suryaa Desk | Published : Mon, Dec 08, 2025, 03:27 PM
ప్రపంచవ్యాప్తంగా ఫుట్బాల్ అభిమానులు ఎంతో ఆసక్తిగా ఎదురుచూస్తున్న 2026 ఫిఫా ప్రపంచకప్కు రంగం సిద్ధమైంది. అమెరికా, కెనడా, మెక్సికో దేశాలు సంయుక్తంగా ఆతిథ్యం ఇస్తున్న ఈ మెగా టోర్నమెంట్, మునుపటి కంటే భిన్నంగా సరికొత్త ఫార్మాట్లో జరగనుంది. ఈసారి 32 జట్లకు బదులుగా ఏకంగా 48 జట్లు టైటిల్ కోసం పోటీపడనున్నాయి. జూన్ 11 నుంచి జులై 19 వరకు ఈ మెగా టోర్నీ జరగనుంది.ఈ టోర్నమెంట్లో 48 జట్లను 12 గ్రూపులుగా విభజించారు. ప్రతి గ్రూపులో నాలుగు జట్లు ఉంటాయి. లీగ్ దశలో ప్రతి జట్టు తమ గ్రూపులోని మిగతా మూడు జట్లతో ఒక్కో మ్యాచ్ ఆడుతుంది. ప్రతి గ్రూపు నుంచి మొదటి రెండు స్థానాల్లో నిలిచిన జట్లు (మొత్తం 24) నేరుగా నాకౌట్ దశకు అర్హత సాధిస్తాయి. వీటితో పాటు, అన్ని గ్రూపుల్లో మూడో స్థానంలో నిలిచిన జట్లలో అత్యుత్తమ ప్రదర్శన కనబరిచిన ఎనిమిది జట్లు కూడా నాకౌట్ రౌండ్కు చేరుకుంటాయి. దీంతో మొత్తం 32 జట్లు 'రౌండ్ ఆఫ్ 32' పేరుతో నాకౌట్ దశలో తలపడతాయి. అక్కడి నుంచి ఫైనల్ వరకు జరిగే ప్రతి మ్యాచ్ నాకౌట్ పద్ధతిలోనే ఉంటుంది.
|
|