నొప్పులు తగ్గించేందుకు ఈ ఆయిల్ రాస్తే దూరమవుతాయట

​బాడీ పెయిన్స్ ఉంటే ఏ పని చేయాలనిపించదు. పైగా ఇబ్బందిగా ఉంటుంది. చలికాలంలో బాడీ పెయిన్స్ మరింతగా ఎక్కువవుతాయి. కాళ్ళు, మోకాళ్ళు, కీళ్ళ నొప్పులు పెరుగుతాయి. వీటన్నింటిని దూరం చేసుకోవడానికి చాలా మంది మెడిసిన్ వాడుతుంటారు. కానీ, అలా కాకుండా ఇంట్లోనే కొన్ని టిప్స్ ఫాలో అయి నొప్పుల్ని దూరం చేసుకోవచ్చు. ఆ టిప్ ఏంటో న్యూట్రిషనిస్ట్ అనుషి జైన్ షేర్ చేసుకుంటున్నారు. ఆమె ప్రకారం, ఏం చేయాలో ఇప్పుడు చూద్దాం.

నొప్పులకి కారణాలు

కొన్నిసార్లు జ్వరం వచ్చినా, లేదంటే బాడీలో పోషకాలు తగ్గినా నొప్పులు వస్తుంటాయి. అంతేకాకుండా, ఆర్థరైటిస్, స్పాండిలైటిస్ వంటి సమస్యలు ఉన్నవారికి చలికాలంలో నొప్పులు ఎక్కువగా ఉంటాయి. ఇవే కాకుండా, కొన్నిసార్లు ఏవైనా గేమ్స్, స్పోర్ట్స్ ఆడినా కూడా నొప్పులు వస్తుంటాయి. ఇవే కాకుండా ఎక్కువగా డెస్క్ జాబ్స్ ఉన్నవారికి కూడా పెయిన్స్ ఉంటాయి.

నొప్పుల్ని తగ్గించే ఆయిల్ తయారీకి  కావాల్సిన పదార్థాలు

నువ్వుల నూనె పావు కప్పు

​3 లవంగాలు​

రెండు వెల్లుల్లి రెబ్బలు

కర్పూరం కొద్దిగా

ఏం చేయాలి 

ఉంటే ఓ మట్టి ప్రమిద తీసుకోండి. లేదంటే చిన్న బౌల్‌లో నూనె వేయండి. దానిని స్టౌపై పెట్టి వేడి చేయండి. అందులోనే కర్పూరం, లవంగాలు, వెల్లుల్లి రెబ్బలు వేయండి. దీనిని మరిగించండి. తర్వాత చల్లారనివ్వండి. ఇలా తయారుచేసి పెట్టుకున్న నూనెని ఓ గ్లాస్‌ జార్‌లో వేసి స్టోర్ చేసుకోవాలి.

ఎలా వాడాలి?

ఇలా తయారుచేసిన నూనెని వాడే ముందు కొద్దిగా గోరువెచ్చగా చేసి సమస్య ఉన్న చోట మసాజ్ చేయండి. దీనిని రాయడం వల్ల రిలాక్స్ అవుతారు. జాయింట్ పెయిన్స్ కూడా తగ్గుతాయి. ఎలాంటి సైడ్ ఎఫెక్ట్స్ లేకుండానే చక్కగా సమస్యని తగ్గించుకోవచ్చు. ఎక్కువగా నొప్పులతో బాధపడేవారు ఈ నేచురల్ రెమిడీని ట్రై చేయొచ్చు.

నొప్పుల్ని తగ్గించే ఆయిల్

​ఎలాంటి డైట్ తీసుకోవడం

ఈ టిప్‌తో పాటు మంచి డైట్ తీసుకోవాలి. కాల్షియం, విటమిన్ డి, ప్రోటీన్ రిచ్ ఫుడ్స్ తీసుకోవాలి. దీని వల్ల ఎముకలు బలంగా మారతాయి. పెరుగు, నువ్వులు, పాల వంటి వాటిని ఎక్కువగా తీసుకోవాలి. వీటి వల్ల మనకి కావాల్సిన పోషకాలు అందుతాయి. అదే విధంగా, నీరు ఎక్కువగా తాగాలి. దీంతో హైడ్రేషన్ అంది నొప్పులు రాకుండా ఉంటాయి.