ఒక్క టిప్‌తో కాలీఫ్లవర్‌లో పురుగులన్నీ బయటికొచ్చేస్తాయి

కూరగాయలు తినడం ఎంతో ఆరోగ్యకరం. వాటిని తినడం ఎంత మంచివో.. క్లీన్ చేసి వండడం కూడా అంతే కష్టం. కొన్నింటిని ఈజీగా క్లీన్ చేయొచ్చు. మరికొన్నింటిని మాత్రం క్లీన్ చేయడం చాలా కష్టం. అందులో ఒకటి కాలీఫ్లవర్. గోబిపువ్వు అని పిలిచే ఈ కూరగాయలో ఎక్కువగా పురుగులు ఉంటాయి. వీటిని మనం ఎంత క్లీన్ చేసినా కూడా ఎక్కడో ఓ చోట పురుగు కనిపిస్తుంది. దీంతో వీటిని వండడానికే చాలా మంది భయపడిపోతారు. పక్కనపెట్టేస్తారు. అయితే, గోబి పువ్వు నుంచి పురుగుల్ని బయటికి ఈజీగా ఎలా తీసుకురావాలో ఇప్పుడు చూద్దాం.

కాలీఫ్లవర్‌లోని పోషకాలు

కాలీఫ్లవర్‌లో విటమిన్ సి, కె, బి, ఫోలేట్, ఫైబర్, పొటాషియం, మాంగనీస్ వంటి ఎన్నో పోషకాలు ఉంటాయి. ఇది శరీరానికి అవసరమైన పోషకాలన్ని అందిస్తుంది. అందుకే, వారంలో ఒక్కసారైనా కాలీఫ్లవర్‌‌ని మీ డైట్‌లో యాడ్ చేసుకోవాలి. దీనిని రెగ్యులర్‌గా తింటే జీర్ణ వ్యవస్థ, గుండె ఆరోగ్యానికి చాలా మంచిది.

కొనే ముందు

ఇక మంచి కాలీఫ్లవర్‌ని కొనాలంటే వాటిని పరిమాణాన్ని చూడాలి. అలానే ఏవైనా పుచ్చు, మరకలుగా ఉన్నా కూడా కొనొద్దు. కారణం, ఇందులో క్రిమీ, కీటకాలు ఎక్కువగా వుంటాయి. వాటికి ఉండే ఆకులు కూడా పసుపు రంగులో వాడిపోయినట్లుగా ఉంటే కొనొద్దు. కీటకాలు లేని కాలీఫ్లవర్ కాస్తా బరువు ఎక్కువగా ఉంటుంది. అదే విధంగా, దాని వాసన ఓ సారి చూడండి. లోపలి వాసన బానే ఉంటే చక్కగా కొనండి. ఇలా ఎన్ని జాగ్రత్తలు తీసుకున్నా కొన్నిసార్లు క్రిమలు ఉంటాయి. కాబట్టి, వాటిని తొలగించేందుకు

ముందుగా కట్ చేయడం

ముందుగా కాలీఫ్లవర్‌ని చక్కగా చిన్న చిన్న కాడలుగా కట్ చేయండి. కట్ చేసినప్పుడు కట్ చేయకపోయినా ఊరి వేళ్ళతో వాటిని తీసేయొచ్చు కూడా. అయితే, వీటిని తీసేముందుగా కొమ్మలు, ఆకుల్ని తీసేయాలి. ఆ తర్వాత కట్ చేయండి. ఇలా నీట్‌గా విడివిడిగా చేసి పెట్టుకోవాలి.

వేడినీటిలో వేయడం

ఇప్పుడు ఓ గిన్నెలో నీటిని వేడి చయండి. నీరు మరిగాక కాలీఫ్లవర్ ముక్కలు వేయండి. తర్వాత టేబుల్ స్పూన్ ఉప్పు వేయండి. ఇలా వేయడం వల్ల వేడికి పురుగులు చనిపోతాయి. ఎక్కడో చోట ఒకటి రెండు తట్టుకుని ఉన్నా ఉప్పు వేయడం వల్ల అవి డీహైడ్రేట్‌ అయి పైకి వచ్చేస్తాయి. దీంతో ఆ నీటిని పారబోయండి. తర్వాత మరో రెండు సార్లు క్లీన్ చేసి వండుకోవడమే.

ఉప్పు, పసుపు లేదా వెనిగర్

అదే విధంగా, ముక్కలకి కాస్తా ఉప్పు, పసుపు లేదా ఉప్పు వెనిగర్ కలిపి రాయండి. వీటిని 10 నుంచి 20 నిమిషాల పాటు అలానే ఉంచండి. దీని వల్ల పురుగులు, మట్టి అంత బయటికి వస్తుంది. తర్వాత వాటిని చక్కగా నీటితో కతగడండి. దీని వల్ల మరో లాభమేంటంటో వాటిలోని కెమికల్స్ కూడా బయటికి వస్తుంది.