ఎంత నడిచినా 10 వేల అడుగులు పూర్తవ్వట్లేదా

రోజూ నడవడం చాలా మంచిది. అందుకు కనీసం 10 వేల అడుగులు వేయాలనే లక్ష్యాన్ని నిర్దేశిస్తారు. కానీ, ఈ మాట వినగానే చాలా మంది భయపడుతారు. దీనిని ఈజీగా అచీవ్ చేయడానికి ఫిట్‌నెస్ కోచ్ రాజ్ గణ్‌పత్ కొన్ని ఈజీ టిప్స్‌ని షేర్ చేస్తున్నారు. ఇన్‌స్టాగ్రామ్‌లో షేర్ చేసిన వీడియోలో ఈజీగా 10 వేల అడుగులు ఎలా వేయాలో చెబుతూ ఓ వీడియోని షేర్ చేశారు. ఆయన చెప్పిన ప్రకారం నడిస్తే ఈజీగా 10వేల అడుగుల్ని అచీవ్ చేయొచ్చు. అదెలా అంటే.

మెల్లిగా నడవడం

​నడవాలి అనగానే ఒకేసారి మొదటిరోజు నుంచే చాలా మంది 10 వేల అడుగులు వేయాలని ట్రై చేస్తారు. కానీ, దీని వల్ల ఎక్కువగా నొప్పులు వస్తాయి. దీంతో మరుసటి రోజు నడవలేకపోతారు. విపరీతమైన బాడీ పెయిన్స్‌తో నడవాలంటేనే భయపడతారు. కాట్టి, అలా కాకుండా ముందు రోజు 4 వేల నుండి ప్రారంభించండి. తర్వాత మరో 500 అడుగులు తర్వాత 5వేల అడుగులు ఇలా పెంచుకుంటూ 10వేల అడుగులు వేయండి. దీని వల్ల ఈజీగా 10 వేల అడుగులు వేస్తారు.

ఒకేసారి కాకుండా

రోజులో ఒకేసారి 10 వేల అడుగులు వేయడం అంటే అందరికీ వీలు కాకపోవచ్చు. కాబట్టి, మీకు రోజు మొత్తంలో ఎప్పుడు ఫ్రీగా ఉంటే అప్పుడు కొద్దికొద్దిగా నడవండి. రోజు మొత్తంలో కలిపి 10వేల అడుగులు వేసేలా చేయండి. భోజనానికి ముందు, తర్వాత, ఉదయం, సాయంత్రం, ఎప్పుడు వీలైతే అప్పుడు నడవడం స్టార్ట్ చేయండి. ఇలా చేస్తే ఈజీగా నడుస్తారు.

బోర్ కొట్టకుండా నడవడం

నడిచేటప్పుడు కేవలం నడిస్తే బోర్ కొడుతుంది. అలా కాకుండా ఫోన్ చేయండి. ఫ్రెండ్స్‌తో మాట్లాడుతూ నడవండి. మ్యూజిక్ వినండి, మీ కుక్కని వాక్ చేయిస్తూ నడవండి. ఇలా మీరు నడిచేటప్పుడు ఏదో ఓ పని చేస్తూ నడవండి. ఇలా చేస్తే మీకు బోర్ కొట్టదు. ఈజీగా నడవగలుగుతారు.

ఎక్కడైనా నడవొచ్చు

నడవడానికి ప్రత్యేకంగా ఓ టైమ్, ఓ ప్లేస్ అంటూ చూడాల్సిన అవసరం లేదు. చక్కని నేచర్ కూడా ఉండాల్సిన అవసరం లేదు. మీరు బయటికి వెళ్లి నడిచే వీలు లేకపోతే ఇంట్లోనే నడవండి. పెద్దగా ప్లేస్ లేకపోయినా ఉన్న ప్లేస్‌లోనే అటు ఇటు తిరగండి. ఇలా నడవడం వల్ల మీరు చాలా ఈజీగా మీ గోల్‌ని అచీవ్ చేస్తారు.

ఎలా నడిస్తే ఈజీగా 10 వేల అడుగులు వేస్తారు

​రోజూ కచ్చితంగా నడవాల్సిన అవసరం లేదు

మీరు ప్రతీరోజూ కూడా 10 వేల అడుగులు వేయాల్సిన అవసరం లేదు. కొన్నిసార్లు ఎక్కువగా నడవొచ్చు. మరికొన్నిసార్లు తక్కువ నడవొచ్చు. కాబట్టి, మీకు వీలైనట్లుగా నడవండి. మెల్లిగా నడుస్తూ మీ అడుగుల సంఖ్యని పెంచుకోండి. ఇది కూడా మీ జీవితంలో భాగం కావాలి. అంతేకానీ, కచ్చితంగా నడవాలనే మీ బాడీని కష్టపెట్టుకోవద్దు. ఇలాంటి టిప్స్ ఫాలో అయితే ఈజీగా మీ వాకింగ్ గోల్‌ని రీచ్ అవ్వొచ్చు.