చేపలు, చికెన్, మీట్ తినలేని వారు వాటి బదులు ఏం తింటే పోషకాలు అందుతాయ్

నాన్‌వెజ్ ఎక్కువ పరిమాణంలో తీసుకుంటే మంచిది కాదు. కానీ, తక్కువగా తీసుకుంటే ఆరోగ్యానికి ఎప్పుడు కూడా మంచిదే. నాన్‌వెజ్ ఫుడ్‌లో ఎక్కువగా పోషకాలు ఉంటాయి. అయితే, అందరూ నాన్‌వెజ్ ఫుడ్‌ని తీసుకోలేరు. అలాంటివారు ఏ ఫుడ్స్ తీసుకుంటే అందులోని న్యూట్రియెంట్స్ అన్నీ అందుతాయో తెలుసుకుని వాటిని తినాలి. నాన్‌వెజ్‌కి సమానంగా వెజిటేరియన్‌లోనూ ఫుడ్ ఆప్షన్స్ ఉన్నాయి. చేపలు, చికెన్, మటన్, గుడ్ల బదులు వాటిని తీసుకుంటే నాన్‌వెజ్‌కి సమానమైన పోషకాలన్నీ మనకి అందుతాయి. కాబట్టి, వెజిటేరియన్స్, నాన్‌వెజ్ తినడం కుదరని వారు హ్యాపీగా ఆయా ఫుడ్స్ తీసుకుని వాటిలోని పోషకాలని అందుకోవచ్చు. మరి ఆ లిస్ట్ ఏంటంటే

ఆమ్లెట్ బదులు మూంగ్ దాల్ లేదా బేసన్ చీలా

గుడ్లతో చాలా మంది ఆమ్లెట్స్ వేసుకుని తింటారు. అయితే, వీటిని తినలేని వారు మూంగ్‌దాల్, బేసన్ చీలా వంటి వాటిని తినొచ్చు. రుచితో పాటు చూడ్డానికి కూడా అవి చూడ్డానికి కూడా ఆమ్లెట్స్‌లానే ఉంటాయి. కాబట్టి, హ్యాపీగా తినొచ్చు. ఓ రకంగా చెప్పాలంటే ఇవి వెజిటేరియన్ ఆమ్లెట్ అని చెప్పొచ్చు.

సీఫుడ్స్ బదులు సిట్రస్ ఫ్రూట్స్, బెర్రీస్, నట్స్, సీడ్స్

సీ ఫుడ్స్ తినడం వల్ల ఆరోగ్యకరమైన పోషకాలతో పాటు మనకి కొల్లాజెన్ అందుతుంది. అయితే, అందరూ వాటిని తినలేరు. కాబట్టి, అలాంటప్పుడు సిట్రస్ ఫ్రూట్స్ అయిన నిమ్మ, ఆరెంజ్ వంటి పండ్లతో పాటు స్ట్రాబెర్రీ, బ్లూబెర్రీస్‌లతో పాటు నట్స్, సీడ్స్ కూడా తినొచ్చు. వీటి వల్ల కూడా మనకి చక్కగా కొల్లాజెన్ అందుతుంది.

రెడ్ మీట్ బదులు డ్రైఫ్రూట్స్, నట్స్, బీన్స్

ఇక అదే విధంగా, రెడ్‌మీట్ తింటుంటారు. రెడ్‌మీట్ ఎక్కువగా తింటే ప్రమాదం. కానీ, ఎక్కువగా కాకుండా పరిమాణంలోనే తీసుకోవచ్చు. అది కూడా తీసుకోలేని వారు డ్రైఫ్రూట్స్, నట్స్‌ని, బీన్స్‌ని వారి డైట్‌లో యాడ్ చేసుకోవచ్చు. దీంతో అందులోని పోషకాలు అందుతాయి.

చికెన్ బదులు పనీర్, టోఫు

​ప్రోటీన్ కోసం చికెన్ తింటుంటారు. అయితే, అందరూ చికెన్ తినాలని లేదుగా. దాని బదులు మనం పనీర్, టోఫు వంటి ఫుడ్స్‌ని తీసుకోవచ్చు. వీటిలో కూడా చికెన్‌తో సమానమైన ప్రోటీన్ అందుతుంది. కాబట్టి, హ్యాపీగా పనీర్, టోఫుని తీసుకోవచ్చు. వీటిని మీరు అనేక రకాలుగా తీసుకోవచ్చు. ఎలా తీసుకున్నా మీకు ప్రోటీన్ అందుతుంది.

నాన్‌వెజ్ బదులు ఏం తినొచ్చు

​చేపల బదులు చియా, ఫ్లాక్స్ సీడ్స్, వాల్‌నట్స్

చేపల్లో ఎక్కువగా ఒమేగా 3 ఉంటుంది. అయితే, ఇది మన గుండె ఆరోగ్యం దగ్గర్నుంచీ స్కిన్ హెల్త్‌ వరకూ ఎన్నో బెనిఫిట్స్ ఉంటాయి. అయితే, దానికోసం చేపల్నే తినాల్సిన అవసరం లేదు. చియా సీడ్స్, ఫ్లాక్స్ సీడ్స్, వాల్‌నట్స్ తీసుకోవచ్చు. వీటి వల్ల కూడా మనకి చేపలతో సమానమైన పోషకాలు అందుతాయి.

మటన్ బదులు సోయా చంక్స్

మటన్ బదులు సోయా చంక్స్ తినొచ్చు. వీటిని తినడం వల్ల మటన్ తినేటట్లుగా పోషకాలు అందుతాయి. హ్యాపీగా వీటిని తినొచ్చు. మటన్‌లోని పోషకాలు సోయా చంక్స్‌లో మనకి అందుతాయి. కాబట్టి, మటన్‌‌ని తినలేని వారు సోయాని తీసుకోవచ్చు. దీంతో మనకి అందులోని సమానమైన పోషకాలు అందుతాయి.