భారీ క్రిప్టో స్కామ్: ₹79 లక్షలు దోచుకున్న మోసగాళ్లు

డిజిటల్ వినియోగం పెరుగుతున్న కొద్దీ, సైబర్ మోసాలు కూడా కొత్త మార్గాల్లో జరుగుతున్నాయి. ఈ డిజిటల్ మోసాలను అరికట్టేందుకు ప్రభుత్వంతో పాటు ఆర్‌బీఐ ఎప్పటికప్పుడు చర్యలు తీసుకుంటున్నప్పటికీ, ఈ ఘటనలు మాత్రం కొనసాగుతున్నాయి.తాజాగా, ముంబైలోని మలేషియా కాన్సులేట్ లో పనిచేస్తున్న ఓ అధికారి క్రిప్టో కరెన్సీ పెట్టుబడులు పెట్టే పేరుతో జరిగిన మోసంలో ₹79 లక్షలు పోగొట్టుకున్నాడు. ఈ మోసం జరిగినందుకు ఒకటిన్నర సంవత్సరాల తరువాత బాధితుడు ఫిర్యాదు చేసినట్టు ఈస్ట్ ముంబై సైబర్ పోలీసు అధికారులు వెల్లడించారు. బాధితుడు ఫిర్యాదులో, ఈ ఘటన అతనికి మానసిక ఒత్తిడిని కలిగిస్తోందని, సమాజంలో తన గౌరవానికి భంగం వచ్చిందని పేర్కొన్నాడు.వివరాల్లోకి వెళితే, 2024 జనవరిలో సదరు అధికారి 'ఈజీప్లాన్' అనే వాట్సాప్ గ్రూప్‌లో చేరారు. ఈ గ్రూప్ మార్కెటింగ్ చిట్కాలు, ట్రేడింగ్ సలహాలు అందించేవారు. సాధారణ అవగాహనతో ఆ గ్రూప్‌లో వచ్చే మెసేజ్లను నమ్మి, సలహాలను అనుసరించాడు. కానీ అసలు మోసం అప్పటికే మొదలైపోయింది.వాట్సాప్ గ్రూప్‌లోని వారు తమ ట్రేడింగ్ వెబ్‌సైట్ లో రిజిస్టర్ చేసుకోవాలని కోరారు. తరువాత, ఆన్‌లైన్ ట్రాన్సాక్షన్ల ద్వారా, ఆ అధికారి 18 వేర్వేరు బ్యాంకు ఖాతాల్లోకి డబ్బు బదిలీ చేయడం ప్రారంభించాడు.మొదట, అధికారికి దాదాపు ₹1.69 లక్షల లాభాలు వచ్చాయి, ఇది మోసగాళ్లు నమ్మకం పెంచేందుకు ఉపయోగించిన సాధారణ వ్యూహం. ఆపై, 2024 ఏప్రిల్ నుండి 2025 జూన్ వరకు, అతనికి ₹78.85 లక్షలు పెట్టుబడి పెట్టించారు. అయితే, ఆ సొమ్మును విత్‌డ్రా చేయాలని ప్రయత్నించినప్పుడు, అసలు స్కామ్ బయటపడింది.వాట్సాప్ గ్రూప్ వారితో ఆందోళన వ్యక్తం చేయగా, వారు 'ప్రాసెసింగ్ ఫీజు'గా మరో ₹18 లక్షలు చెల్లించాలని చెప్పారు. అప్పుడు, బాధితుడు మోసాన్ని తెలుసుకుని, వారితో అన్ని సంబంధాలు నిలిపేశాడు. ఈ వ్యవహారంపై పోలీసులు మోసం, నేరపూరిత కుట్ర, సైబర్ క్రైమ్ చట్టాల కింద కేసు నమోదు చేశారు.