ఐఫోన్ కొనాలనుకుంటున్నారా? ఊహించని డిస్కౌంట్ ఆఫర్!

Apple iPhone Air: ఆపిల్ గత సంవత్సరం ఐఫోన్ 17 సిరీస్‌లో భాగంగా ఐఫోన్ ఎయిర్ మోడల్‌ను మార్కెట్లోకి తీసుకొచ్చింది. సన్నని డిజైన్‌తో రూపొందిన ఈ హ్యాండ్‌సెట్ గెలాక్సీ S25 ఎడ్జ్‌కు పోటీగా విడుదలైంది. ప్రస్తుతం అమెజాన్ నిర్వహిస్తున్న Amazon Electronics Premier League Sale 2026లో భాగంగా ఈ ఐఫోన్‌ను భారీ తగ్గింపు ధరతో కొనుగోలు చేసే అవకాశం లభిస్తోంది. భారత్‌లో గత ఏడాది సెప్టెంబర్‌లో విడుదలైన ఈ ఫోన్ ఇప్పటికే డిస్కౌంట్ ధరకు అందుబాటులోకి రావడం వినియోగదారులను ఆకర్షిస్తోంది.లాంచ్ సమయంలో ఐఫోన్ ఎయిర్ 256GB స్టోరేజ్ వేరియంట్ ధర రూ.1,19,900గా ఉండగా, 512GB వేరియంట్ రూ.1,39,900 మరియు 1TB వేరియంట్ రూ.1,59,900గా నిర్ణయించారు. ప్రస్తుతం అమెజాన్ ప్రత్యేక సేల్‌లో 256GB వేరియంట్‌ను రూ.93,499కే కొనుగోలు చేయవచ్చు. దీంతో రూ.26,401 తగ్గింపు లభిస్తుంది. అదనంగా రూ.2,000 కూపన్ డిస్కౌంట్ కూడా ఉండటంతో మొత్తం తగ్గింపు రూ.28,401 వరకు ఉంటుంది. ఇదే సమయంలో 512GB వేరియంట్‌ను రూ.1,13,990కే కొనుగోలు చేసే అవకాశం ఉంది. అంటే రూ.25,901 తగ్గింపుతో పాటు రూ.5,000 కూపన్ డిస్కౌంట్ కూడా లభించడంతో మొత్తం తగ్గింపు రూ.30 వేలకుపైగా ఉంటుంది. అలాగే 1TB స్టోరేజ్ వేరియంట్‌ను రూ.1,32,990కే కొనుగోలు చేయవచ్చు. దీనిపై రూ.26,910 తగ్గింపుతో పాటు రూ.6,000 కూపన్ డిస్కౌంట్ అందుబాటులో ఉండటంతో మొత్తం తగ్గింపు రూ.32,910 వరకు ఉంటుంది. కొన్ని బ్యాంక్ కార్డులపై అదనపు ఆఫర్లు కూడా అందిస్తున్నారు.డిజైన్ పరంగా ఐఫోన్ ఎయిర్ కేవలం 5.6mm మందంతో సన్నగా ఉండేలా రూపొందించారు. ఈ ఫోన్ తయారీలో 80 శాతం రీసైకిల్ చేసిన టైటానియం మెటీరియల్స్‌ను ఉపయోగించినట్లు ఆపిల్ తెలిపింది. ఇందులో 120Hz రిఫ్రెష్ రేట్ మరియు 3000 నిట్స్ పీక్ బ్రైట్‌నెస్‌తో 6.5 అంగుళాల సూపర్ రెటీనా XDR ప్రోమోషన్ OLED డిస్‌ప్లే ఉంది. అలాగే సిరామిక్ షీల్డ్ 2 ప్రొటెక్షన్ కూడా అందిస్తున్నారు.కెమెరా విభాగంలో వెనుకవైపు సెన్సర్ షిఫ్ట్ ఆప్టికల్ ఇమేజ్ స్టెబిలైజేషన్‌తో పాటు 2x టెలిఫోటో జూమ్ సపోర్ట్ ఉన్న 48MP ప్రధాన కెమెరా ఉంది. సెల్ఫీలు, వీడియో కాల్స్ కోసం ముందువైపు 18MP కెమెరాను అందించారు. ఒకసారి పూర్తి ఛార్జ్ చేస్తే రోజంతా బ్యాటరీ బ్యాకప్ అందుతుందని కంపెనీ పేర్కొంది. పనితీరు విషయంలో ఈ ఫోన్ A19 ప్రో చిప్‌సెట్‌తో పనిచేస్తుంది. iOS 26 ఆపరేటింగ్ సిస్టమ్‌పై రన్ అవుతున్న ఈ ఫోన్‌లో N1 చిప్, C1x మోడెమ్ కూడా ఉన్నాయి. అలాగే అనేక ఆపిల్ ఇంటెలిజెన్స్ ఫీచర్లు అందుబాటులో ఉన్నాయి. క్లౌడ్ వైట్, స్పేస్ బ్లాక్, లైట్ గోల్డ్, స్కై బ్లూ రంగుల్లో ఈ ఐఫోన్ ఎయిర్ అందుబాటులో ఉంది.