Padmaraonagar students achievment
సిప్అబాకస్ పోటీల్లో పద్మారావునగర్ సెంటర్ విద్యార్థుల ప్రతిభ
సిప్అబాకస్ రీజనల్ ప్రోడిజీ పోటీల్లో విద్యార్థులు అత్యుత్తమ ప్రతిభ ప్రదర్శించి ట్రోఫీలతోపాటు పలు బహుమతులు గెలుచుకున్నారని పద్మారావునగర్ ప్రాంచైజీ నిర్వాహకురాలు అనురాధరజనీకాంత్ అన్నారు. పద్మారావునగర్ సిప్ అబాకస్ సెంటర్లో సోమవారం జరిగిన కార్యక్రమంలో ప్రతిభ ప్రదర్శించిన విద్యార్థులను అభినందించారు. సిప్ అబాకస్ రీజనల్ ప్రోడిజీ–2026 పేరిట ఇటీవల కాంపిటీషన్ నిర్వహించగా తెలంగాణ రాష్ట్రానికి చెందిన పలు సెంటర్ల విద్యార్థులు పాల్గొన్నారు. వివిధ విభాగాల్లో జరిగిన పోటీల్లో పద్మారావునగర్ సెంటర్ విద్యార్థులు పలు మెడల్స్, ట్రోఫీలను గెలుచు కున్నారు. ఈ సందర్భంగా పద్మారావునగర్ సెంటర్ ఎల్సీఎల్ అనురాధరజనీకాంత్ మాట్లాడుతు చిన్నారుల్లో మానసిక గణన నైపుణ్యాల మెరుగు, సంఖ్యా సామర్ధ్యాల అభివృద్ధి, ఏకాగ్రత, జ్ఞాపకశక్తి, మేధస్సు పెరుగుదలకు అబాకస్ ఎంతగానో దోహద పడుతుందన్నారు. విద్యారంగంలో కీలకమార్పులు, టెక్నాలజీలను చిన్నప్పటి నుంచి ఔపోషన పట్టేందుకు అబాకస్ కీలక పాత్ర పోషిస్తుందన్నారు. కార్యక్రమంలో కోర్స్ ఇన్స్ట్రక్టర్లు సుచరిత, కవిత, విద్య, సంఘమిత్ర, విద్యార్థులు, తల్లితండ్రులు పెద్దసంఖ్యలో పాల్గొన్నారు.