అమరుల త్యాగాలు మరువలేనివి:ఘట్కేసర్ ఇన్‌స్పెక్టర్ పి. కిరణ్
ఘట్కేసర్, మేజర్ న్యూస్: విధి నిర్వహణలో ప్రాణాలర్పించిన పోలీస్ అమరవీరుల త్యాగాలు చిరస్మరణీయమని ఘట్కేసర్ ఇన్‌స్పెక్టర్ పి. కిరణ్ అన్నారు. పోలీస్ అమరవీరుల సంస్మరణ దినోత్సవం సందర్భంగా మంగళవారం ఘట్కేసర్ పోలీస్‌స్టేషన్‌లో అమరవీరులకు ఘనంగా నివాళులర్పించారు. ఈ సందర్భంగా అమరవీరుల చిత్రపటాలకు పూలమాలలు వేసి, రెండు నిమిషాలు మౌనం పాటించారు.
ప్రజల ధన, మాన, ప్రాణ రక్షణతో పాటు శాంతిభద్రతల పరిరక్షణ కోసం పోలీసులు అంకితభావంతో పనిచేస్తున్నారని కిరణ్ పేర్కొన్నారు. ప్రజా రక్షణ కోసం ప్రాణత్యాగం చేసిన అమరవీరుల స్ఫూర్తితో పోలీసు సిబ్బంది మరింత నిబద్ధతతో ప్రజలకు సేవలందించాలని అన్నారు.ఈ కార్యక్రమంలో ఎస్‌ఐలు శేఖర్, రాఘవేందర్, ఏఎస్సైలు, హెడ్‌ కానిస్టేబుళ్లు, కానిస్టేబుళ్లు, హోంగార్డులు, ఇతర పోలీసు సిబ్బంది పాల్గొన్నారు.
రిపోర్టర్: గుర్రం రమేష్, ఘట్కేసర్, మేడ్చల్ జిల్లా.
