విరాళాల కోసం ప్రత్యేక రీతిలో పిలుపు ఇచ్చిన జనసేన
Andhra Pradesh Telugu | Suryaa Desk | Published : Sat, Aug 27, 2022, 08:14 PM
ఎన్నికలు ఎప్పుడైనా రావచ్చు అన్న ప్రచారం నేపథ్యంలో జనసేన పార్టీ విరాళాల వైపు అడుగులు వేస్తోంది. ప‌వ‌ర్ స్టార్ ప‌వ‌న్ క‌ల్యాణ్ నేతృత్వంలోని జనసేన విరాళాల కోసం పిలుపునిచ్చింది. ఇందుకోసం ఓ ప్రత్యేక నినాదాన్ని కూడా ఆ పార్టీ విడుద‌ల చేసింది. ఈ మేర‌కు సోష‌ల్ మీడియా వేదిక‌గా ఓ పోస్ట్‌ను విడుద‌ల చేసింది. 'నా సేన కోసం... నా వంతు' పేరిట ఇచ్చిన ఈ పిలుపున‌కు స్పందించే వారు జ‌న‌సేన‌కు రూ.10 మొద‌లుకొని ఎంతైనా విరాళం ఇవ్వ‌వ‌చ్చ‌ని సూచించింది.
ఇప్పుడంతా ఆన్‌లైన్ పేమెంట్ల‌కే మొగ్గు చూపుతున్న వేళ... విరాళాల కోసం తెరిచిన ఓ బ్యాంకు ఖాతాకు అనుసంధాన‌మైన ఫోన్ నెంబ‌ర్‌కు గూగుల్ పే, ఫోన్ పే, పేటీఎం వంటి అన్ని ర‌కాల యూపీఐ యాప్‌ల‌ను అనుసంధానించారు. ఆ నెంబ‌ర్ ఇదేనంటూ 7288040505 మొబైల్ నెంబ‌ర్‌ను జనసేన త‌న పోస్ట్‌లో ప్ర‌కటించింది. విరాళాల‌ను సుల‌భంగా అందించేందుకే ఈ మార్గాన్ని ఎంచుకున్న‌ట్లుగా జనసేన తెలిపింది.
|
|