ఆసక్తిరేపి...నిరాశపర్చిన కోహ్లీ...గతానికి భిన్నంగా ఈ సారి కాస్త రాణించాడు
sports | Suryaa Desk | Published : Sun, Aug 28, 2022, 11:27 PM
ఇటీవల పలు మ్యాచ్ లలో క్రికెట్ అభిమానులను నిరాశపర్చుతూ వచ్చిన టీమిండియా మాజీ కెప్టెన్ విరాట్ కోహ్లీ తాజాగా పాకిస్తాన్ తో సాగుతున్న మ్యాచ్ లో కాస్త రాణించారు. కానీ మంచిగా రాణిస్తున్న తరుణంలో కోహ్లీ క్యాచ్ అవుట్ అవడం క్రికెట్ అభిమానుల్లో నిరాశకలిగించింది. ఇదిలావుంటే టీమిండియా, పాకిస్థాన్ జట్ల మధ్య ఆసియా కప్ మ్యాచ్ ఆసక్తికరంగా సాగుతోంది.ఇదిలావుంటే చాన్నాళ్లుగా సాధికారతతో ఆడలేక ఇబ్బందులు ఎదుర్కొంటున్న కోహ్లీ... ఈ పోరులో బంతిని బాగానే టైమింగ్ చేశాడు. ఆరంభంలో కొన్ని బంతులకు తడబడినప్పటికీ, క్రీజులో కుదురుకున్న తర్వాత తనదైన శైలిలో షాట్లు ఆడాడు. కోహ్లీ మొత్తమ్మీద 34 బంతుల్లో 35 పరుగులు చేశాడు. కోహ్లీ స్కోరులో 3 ఫోర్లు, 1 సిక్స్ ఉన్నాయి. కోహ్లీ స్పిన్నర్ నవాజ్ బౌలింగ్ లో భారీ షాట్ కు యత్నించి క్యాచ్ ఇచ్చి అవుటయ్యాడు. దాంతో అభిమానులు నిరాశకు గురయ్యారు. ఇదిలావుంటే 148 పరుగుల లక్ష్యంతో ఛేజింగ్ కు ఉపక్రమించిన టీమిండియా 12 ఓవర్లు ముగిసేసరికి 3 వికెట్ల నష్టానికి 77 పరుగులు చేసింది. ఓపెనర్ కేఎల్ రాహుల్ (0) డకౌట్ కాగా, కెప్టెన్ రోహిత్ శర్మ 12 పరుగులకే వెనుదిరిగాడు.
|
|