మార్పు కోసం ముందుకు వెళుతున్న జనసేనానికి జన్మదిన శుభాకాంక్షలు: జీవీఎల్
Andhra Pradesh Telugu | Suryaa Desk | Published : Fri, Sep 02, 2022, 08:34 PM
మార్పు కోసం ముందుకు వెళుతున్న జనసేనానికి జన్మదిన శుభాకాంక్షలు అంటూ పవన్ కళ్యాణ్ కు బీజేపీ నేత, రాజ్యసభ సభయులు జీవీఎల్ నర్సింహారావు అభినందనలు తెలిపారు. జనసేనాని, టాలీవుడ్ పవర్ స్టార్ పవన్ కల్యాణ్ నేడు పుట్టినరోజు జరుపుకుంటున్నారు. ఈ సందర్భంగా ఆయనపై శుభాకాంక్షలు వెల్లువెత్తుతున్నాయి. తాజాగా, బీజేపీ రాజ్యసభ సభ్యుడు జీవీఎల్ నరసింహారావు కూడా పవన్ కు విషెస్ తెలుపుతూ, ట్వీట్ చేశారు. రాష్ట్రాన్ని అభివృద్ధి పథంలో నడిపించాలని తలపెట్టి, బీజేపీతో జతకట్టి, మార్పు కోసం ముందుకు వెళుతున్న జనసేన అధ్యక్షులు, పొలిటికల్ పవర్ స్టార్ పవన్ కల్యాణ్ గారికి జన్మదిన శుభాకాంక్షలు అంటూ స్పందించారు. కలియుగ దైవం వెంకటేశ్వరుడు మీకు ఆయురారోగ్యాలు, మనకు విజయాన్ని ప్రసాదించాలని ప్రార్థిస్తాను అంటూ జీవీఎల్ తన ట్వీట్ లో పేర్కొన్నారు.
కొన్నాళ్ల కిందట ఏపీలో బీజేపీ, జనసేన జట్టుకట్టిన సంగతి తెలిసిందే. అయితే, గతకొంతకాలంగా రెండు పార్టీల మధ్య ఉమ్మడి కార్యాచరణ కనిపించడంలేదు. వచ్చే ఎన్నికల్లో ఈ రెండు పార్టీల మధ్య పొత్తు ఉండకపోవచ్చని కూడా ప్రచారం జరుగుతోంది. ఈ నేపథ్యంలో, జీవీఎల్ చేసిన ట్వీట్ కాస్తంత ఆసక్తి కలిగిస్తోంది.
|
|