నవరత్న పథకాలతో సకల జనుల సంక్షేమం
Andhra Pradesh Telugu | Suryaa Desk | Published : Mon, Sep 05, 2022, 05:30 PM
ప్రజల అవసరాలు, ప్రాంతాల అభివృద్ధి, సంక్షేమo ముఖ్యమంత్రి జగన్మోహన్ రెడ్డి లక్ష్యం అని అన్నమయ్య జిల్లా వైసీపీ అధ్యక్షులు ఎమ్మెల్యే శ్రీకాంత్ రెడ్డి అన్నారు. అలాగే రాష్ట్రంలో ముఖ్యమంత్రి జగనన్న పాలన జనరంజకంగా సాగుతోందన్నారు. సోమవారం రాయచోటి మున్సిపల్ పరిధిలోని 3 వ వార్డులో సచివాలయం వీధి, కోడిగుడ్ల వీధి, ముల్లా హజరత్ వీధి, హాస్పిటల్ వీధి, లక్ష్మీ హాల్ వెనుక ప్రాంతం, గౌస్ మసీదు వీధి, జబ్బార్ స్ర్రీట్ ప్రాంతాలలో స్థానిక నాయకులు, అధికారులతో కలిసి శ్రీకాంత్ రెడ్డి గడప గడపకు మన ప్రభుత్వం కార్యక్రమాన్ని నిర్వహించారు.
ఈ కార్యక్రమంలో ప్రజలతో శ్రీకాంత్ రెడ్డి మమేకమై ప్రజా సమస్యలుపై ఆరా తీశారు. ఈ సందర్భంగా ప్రతి ఇంటినీ సందర్శించి సీఎం జగన్ ప్రవేశపెట్టిన సంక్షేమ పథకాలు నేరుగా అర్హులైన లబ్దిదారులకు అందుతున్నాయా లేదా అని అడిగి తెలుసుకున్నారు. సాంకేతిక కారణాల వల్ల సంక్షేమ పథకాలు అందడం లేదని ఎమ్మెల్యే దృష్టికి వచ్చిన సమస్యలను తక్షణం అధికారులుతో చర్చించి వాటి పరిష్కారానికి కృషిచేస్తూ వచ్చారు. సంక్షేమ పథకాల అమలు, ప్రజల సమస్యలను తెలుసుకోవడానికి ఇంటి ముంగిటకు వచ్చిన ప్రజా నాయకుడు, స్థానిక ఎమ్మెల్యే శ్రీకాంత్ రెడ్డికి అభిమానంతో జనం నీరాజనాలు పలికారు.
|
|