ట్రెండింగ్
వరవకట్టలో స్వల్ప ఉద్రిక్తత
Andhra Pradesh Telugu | Suryaa Desk | Published : Wed, Sep 07, 2022, 01:49 PM
నరసరావుపేట: తెదేపా నియోజకవర్గ ఇన్చార్జ్ డాక్టర్ అరవింద బాబు వరవకట్ట ప్రాంతంలో పర్యటన సందర్భంగా స్వల్ప ఉద్రిక్తత నెలకొంది. పార్టీ పిలుపు మేరకు పట్టణంలో మంగళవారం సాయంత్రం బాదుడే బాదుడు కార్యక్రమంలో భాగంగా వరవకట్ట ప్రాంతాన్ని ఆయన సందర్శించారు. అక్కడ తెదేపా పతాకo దిమ్మె వద్ద దివంగత ఎన్టీఆర్ చిత్రపటానికి పూలమాలలు వేసి నివాళులర్పిస్తున్న సమయంలో వైకాపా కార్యకర్తలు ఎమ్మెల్యే గోపిరెడ్డికి సంబంధించిన ప్రచార గీతాన్ని పెద్దగా మైక్ లో వినిపించడంతో ఇరువర్గాల మధ్య వాగ్వాదం చోటుచేసుకుంది. ఒకటో పట్టణ పోలీసులు అక్కడికి వచ్చి రెండు వర్గాలకు సర్ది చెప్పారు. అనంతరం అరవింద బాబు ఇంటింటికి వెళ్లి ప్రజా సమస్యలు అడిగి తెలుసుకున్నారు.
|
|