పాకిస్తానీ నటికి అదిరిపోయే కౌంటర్ ఇచ్చిన అమిత్ మిశ్రా!
sports | Suryaa Desk | Published : Thu, Sep 08, 2022, 07:18 PM
ఆసియా కప్ లో నిన్న జరిగిన మ్యాచ్ లో.. ఆఫ్ఘనిస్తాన్, పాకిస్థాన్ ను ఓడిస్తే వారం రోజుల పాటు అఫ్గానీ చాప్ తింటానని ఇండియన్ మాజీ క్రికెటర్ అమిత్ మిశ్రా ట్వీట్ చేశాడు. పాక్ గెలవడంతో.. మిశ్రా ట్వీట్ కి పాకిస్తానీ నటి శెహర్ శిన్వారీ 'మీరు ఇక వారం రోజుల పాటు ఆవు పేడ తినాలి' అని ట్వీట్ చేసింది. ఈ ట్వీట్ పై 'నాకు పాకిస్తాన్ కు వచ్చే ప్లాన్ లేదు' అని మాస్ రిప్లై ఇచ్చాడు. దీంతో ఈ ట్వీట్ వైరల్ అవుతోంది.
వివరాల్లోకి వెళ్తే.. ఆసియా కప్ సూపర్ ఫోర్లో ఆఫ్ఘనిస్తాన్ క్రికెటర్లు కనుక పాకిస్తాన్ను ఓడించగలిగితే వారం మొత్తం ఆఫ్ఘని చాప్ తింటానని ట్విట్టర్లో పోస్ట్ చేశాడు. కానీ అది జరగలేదు. తృటిలో అప్ఘనిస్తాన్ ఓడి పాకిస్తాన్ గెలిచింది. దీంతో పాకిస్థానీ నటి మరియు సామాజిక కార్యకర్త సెహర్ షిన్వారీ మన అమిత్ మిశ్రాను కవ్వించే ప్రయత్నం చేసింది. ఆమె ట్వీట్ చేస్తూ ‘ఆఫ్ఘనిస్తాన్ జట్టు పాకిస్తాన్ ను విఫలమైనందున.. అప్ఘన్ చాప్ ను తినడానికి బదులు 'ఆవు పేడ' తినమని మిశ్రాను ఎద్దేవా చేసింది.
మిశ్రా దీనికి అదిరిపోయే సమాధానం ఇచ్చాడు. షిన్వారీ ట్వీట్ను ఉటంకిస్తూ ‘ తనకు పాకిస్థాన్కు వచ్చే ఆలోచన లేద’ని ఘాటు కౌంటర్ ఇచ్చాడు. ఇది సోషల్ మీడియాలో వైరల్ అయ్యింది. నెటిజన్లు విపరీతంగా నవ్వుకోవడంతో ట్విటర్ లో ట్రెండింగ్ గా మారింది. వారిలో కొద్దిమంది కూడా పాకిస్తాన్ నటిని ట్రోల్ చేయడానికి మిశ్రాతో చేరారు.
|
|