మరో జాతీయ రహదారికి లైన్ క్లీయర్...ఆమోదించిన కేంద్రం
Andhra Pradesh Telugu | Suryaa Desk | Published : Thu, Sep 29, 2022, 07:13 PM
ఆంధ్రప్రదేశ్ రాష్ట్రానికి మరో వరం లాంటి నిర్ణయాన్ని కేంద్రంలోని బీజేపీ సర్కార్ తీసుకొంది. ఏపీలో మరో కొత్త జాతీయ రహదారికి కేంద్ర ప్రభుత్వం ఆమోద ముద్ర వేసింది. ఏపీ రాజ‌ధాని అమ‌రావ‌తికి స‌మీపంలోని విజ‌య‌వాడ నుంచి క‌ర్ణాట‌క రాజ‌ధాని బెంగ‌ళూరుకు క‌డ‌ప మీదుగా ఓ కొత్త ర‌హ‌దారిని ఏర్పాటు చేయాల‌ని ఏపీ సీఎం వైఎస్ జగన్ మోహ‌న్ రెడ్డి ఇటీవ‌లే కేంద్ర ప్ర‌భుత్వానికి ప్ర‌తిపాద‌నలు పంపారు. ఈ ప్ర‌తిపాద‌న‌ల‌ను ప‌రిశీలించిన కేంద్ర ర‌వాణా శాఖ మంత్రి నితిన్ గ‌డ్క‌రీ తాజాగా ఆమోద ముద్ర వేశారు. ఈ మేర‌కు వైసీసీ యువ నేత, ఏలూరు జిల్లా దెందులూరు ఎమ్మెల్యే కొఠారు అబ్బ‌య్య చౌద‌రి ఈ వివ‌రాల‌ను ట్విట్ట‌ర్ వేదిక‌గా గురువారం వెల్ల‌డించారు.
విజ‌య‌వాడ నుంచి క‌డ‌ప మీదుగా బెంగ‌ళూరుకు ఏర్పాటు కానున్న నూత‌న ర‌హ‌దారి వ‌ల్ల చాలా ఉప‌యోగాలు ఉన్నాయ‌ని తన ట్వీట్‌లో అబ్బ‌య్య చౌద‌రి వెల్ల‌డించారు. ఈ కొత్త ర‌హ‌దారి అందుబాటులోకి వ‌స్తే... విజ‌య‌వాడ, బెంగ‌ళూరుల మ‌ధ్య దూరం 75 కిలోమీట‌ర్ల మేర త‌గ్గుతుంద‌ని తెలిపారు. మొత్తం 342 కిలోమీట‌ర్ల దూరం ఉన్న ఈ ర‌హ‌దారి నిర్మాణానికి రూ.13,600 కోట్ల నిధులు కేటాయింపున‌కు అనుమ‌తి తెలిపిన కేంద్ర మంత్రి గడ్క‌రీకి ఆయ‌న కృత‌జ్ఞ‌త‌లు తెలిపారు.
|
|