చౌక ధరలోనే అధిక ఫ్యూచర్లతో కూడిన శామ్ సంగ్ గెలాక్సీ ఫోన్
business | Suryaa Desk | Published : Thu, Oct 06, 2022, 11:55 PM
మొబైల్ మార్కెట్ లో నెలకొన్న పోటీ కారణంగా అనేక కంపెనీలు అద్భుత ఫ్యూచర్లతో మార్కెట్ లోకి వస్తున్నాయి. ఈ క్రమంలోనే శామ్ సంగ్ తక్కువ ధరకే మంచి ఫీచర్లతో గెలాక్సీ ‘ఏ04ఎస్’ స్మార్ట్ ఫోన్ ను భారత వినియోగదారుల కోసం విడుదల చేసింది. ఈ ఫోన్ 4జీబీ ర్యామ్, 64జీబీ స్టోరేజీతో ఒకటే వేరియంట్ గా వస్తుంది. దీని ధర రూ.13,499. ఎస్ బీఐ కార్డుతో కొనుగోలు చేస్తే రూ.1,000 క్యాష్ బ్యాక్ లభిస్తుంది. దీంతో దీన్ని రూ.12,499కే సొంతం చేసుకోవచ్చు.
ఈ ఫోన్ శామ్ సంగ్ సొంత ప్రాసెసర్ అయిన ఎక్సినోస్ 850తో పనిచేస్తుంది. 6.5 అంగుళాల 90 హెర్జ్ రీఫ్రెష్ రేటుతో కూడిన, హెచ్ డీ ప్లస్ ఇన్ఫినిటీ వీ డిస్ ప్లే తో ఇది వస్తుంది. ఫోన్ వెనుక భాగంలో మూడు కెమెరాలు ఉంటాయి. ఇందులో ప్రైమరీ కెమెరా సెన్సార్ సామర్థ్యం 50 మెగాపిక్సల్స్. 5,000 ఎంఏహెచ్ బ్యాటరీ, 15 వాట్ ఫాస్ట్ చార్జర్ సపోర్ట్ తో ఉంటుంది. పవర్ బటన్ దగ్గరే ఫింగర్ ప్రింట్ సెన్సార్ ను ఏర్పాటు చేశారు. డాల్మీ అట్మాస్ కు సపోర్ట్ చేస్తుంది. బ్లాక్, కాపర్, గ్రీన్ రంగుల్లో లభిస్తుంది.
|
|