నయనతార దంపతులకు షాకిచ్చిన తమిళనాడు సర్కార్
national | Suryaa Desk | Published : Fri, Oct 14, 2022, 12:28 AM
తమిళనాడలో తాజాగా నయనతార దంపతుల అంశం చర్చాంశనీయంగా మారింది. ప్ర‌ముఖ హీరోయిన్ నయనతార, ద‌ర్శ‌కుడు విఘ్నేశ్ శివ‌న్ దంపతులకు తమిళనాడు స‌ర్కారు గురువారం షాకిచ్చింది. నయన్, విఘ్నేశ్ దంప‌తులు ఇటీవ‌లే క‌వ‌ల‌ల‌కు త‌ల్లిదండ్రులైన సంగ‌తి తెలిసిందే. అయితే పెళ్లి జ‌రిగిన 6 నెల‌లు కాకుండానే నయన్ క‌వ‌ల పిల్ల‌ల‌కు ఎలా జ‌న్మనిచ్చార‌న్న వాద‌న‌లు రేకెత్త‌గా... స‌రోగ‌సీ (అద్దె గ‌ర్భం) ద్వారా నయన్ దంప‌తులు పిల్ల‌ల‌ను క‌న్నార‌న్న వాద‌న‌లు వినిపించాయి. ఈ వార్త‌ల‌పై నయన్ ఇప్ప‌టిదాకా స్పందించ‌నే లేదు.
అయితే సోష‌ల్ మీడియా వేదిక‌గా జ‌రుగుతున్న ర‌చ్చ నేప‌థ్యంలో తమిళనాడు ఆరోగ్య శాఖ మంత్రి సుబ్ర‌హ్మ‌ణ్య‌న్ స్పందించారు. ఈ విష‌యంపై నయన్ దంప‌తులు వివ‌ర‌ణ ఇవ్వాల్సి ఉంద‌ని ఆయ‌న అన్నారు. ఈ మాట‌ల‌తోనే స‌రిపెట్ట‌ని తమిళనాడు స‌ర్కారు తాజాగా నయన్ స‌రోగ‌సీ వివాదంపై ఏకంగా విచార‌ణ క‌మిటీని ఏర్పాటు చేసింది. నయన్ స‌రోగ‌సీపై స‌మ‌గ్ర విచార‌ణ చేప‌ట్టి ప్ర‌భుత్వానికి నివేదిక అందించాల‌ని ఈ క‌మిటీకి రాష్ట్ర ప్రభుత్వం ఆదేశాలు జారీ చేసింది.
|
|