మేం భార్యలను గౌరవిస్తాం...ఎంఐఎం నేత కీలక వ్యాఖ్యలు
national | Suryaa Desk | Published : Mon, Oct 17, 2022, 01:26 AM
భార్యల విషయంలో యూపీకి చెందిన ఎంఐఎం నేత కీలక వ్యాఖ్యలు చేశారు. భార్యల విషయంలో రెండు సామాజిక వర్గాల మధ్య వైరుద్ధ్యంపై ఎంఐఎం ఉత్తరప్రదేశ్ రాష్ట్ర అధ్యక్షుడు షౌకత్ అలీ చేసిన వ్యాఖ్యలు సంచలనం రేకెత్తిస్తున్నాయి. ‘‘మేము మూడు పెళ్లిళ్లు చేసుకుంటామని కొందరు మాట్లాడుతున్నారు. కనీసం మేము రెండు వివాహాలు చేసుకున్నా, సమాజంలో ఇద్దరు భార్యలకు సముచిత గౌరవం కల్పిస్తాం. కానీ మీరు (హిందువులు) ఒకర్ని పెళ్లి చేసుకుంటారు. ముగ్గురితో సహజీవనం (ప్రియురాళ్లు) చేస్తారు. మీరు అటు భార్యను కానీ, ఇటు ప్రియురాళ్లను కానీ గౌరవించరు. కానీ మేము అలా కాదు. రెండు పెళ్లిళ్లు చేసుకుంటే వారిని సమానంగా గౌరవిస్తాం. రేషన్ కార్డులో పిల్లల పేర్లు అన్నీ ఉంటాయి’’ అని షౌకత్ అలీ వ్యాఖ్యానించారు.
హిజాబ్ అంశంపై సుప్రీంకోర్టు ద్విసభ్య ధర్మాసనం రెండు వేర్వేరు తీర్పులు ఇవ్వడంపైనా షౌకత్ అలీ మాట్లాడారు. 'ఈ దేశంలో ఎవరు ఏది ధరించాలో హిందుత్వ కాదు నిర్ణయించాల్సింది. రాజ్యాంగం ఆ పని చేయాలి. ఈ తరహా అంశాలను లేవనెత్తడం ద్వారా బీజేపీ దేశాన్ని విభజించాలని చూస్తోంది’’అని షౌకత్ అలీ అన్నారు.
|
|