బంగారం అక్రమ రవాణాపై కస్టమ్స్ అధికారులు ఉక్కుపాదం..కేవలం ఒక్కరోజులోనే
Andhra Pradesh Telugu | Suryaa Desk | Published : Thu, Oct 20, 2022, 11:06 PM
అక్రమ మార్గంలో బంగారు రవాణాతో ఏపీలో కోట్ల విలువైన సొమ్ము రవాణా అవుతోంది. దీంతో తాజాగా ఏపీలో బంగారం అక్రమ రవాణాపై కస్టమ్స్ అధికారులు దృష్టిసారించారు. నేడు ఒక్కరోజే రూ.11 కోట్ల విలువైన బంగారం స్వాధీనం చేసుకున్నారు. నలుగురు వ్యక్తులను అరెస్ట్ చేసి కోర్టులో హాజరు పరిచారు. కస్టమ్స్ అధికారులు విజయవాడ, ఏలూరు, సూళ్లూరుపేట, కాకినాడ, చిలకలూరిపేట, నెల్లూరు ప్రాంతాల్లో బస్సులు, రైళ్లలో తనిఖీలు నిర్వహించారు. 100 మంది అధికారులు 20 బృందాలుగా ఏర్పడి తనిఖీలు చేపట్టారు. బస్సులు, రైళ్లలో అక్రమంగా తరలిస్తున్న బంగారం, నగదును గుర్తించి, స్వాధీనం చేసుకున్నారు.
మొత్తం 13.189 కిలోల పసిడిని కస్టమ్స్ అధికారులు పట్టుకున్నారు. అదే సమయంలో రూ.4.24 కోట్ల నగదు కూడా స్వాధీనం చేసుకున్నారు. చెన్నై నుంచి సూళ్లూరుపేట వస్తున్న ఓ వ్యక్తి నుంచి అత్యధికంగా 5 కేజీల బంగారాన్ని స్వాధీనం చేసుకున్నారు.
|
|