2024 ఎన్నికల్లో కాంగ్రెస్ కు మహర్థశ

ఆంధ్రప్రదేశ్ లో భారత్ జోడో యాత్ర ప్రభంజనం లా ముందుకు సాగిందని ఏపిసిసి రాష్ట్ర ఉపాధ్యక్షులు షాజహాన్ బాషా స్పష్టం చేశారు. శనివారం స్థానిక కాంగ్రెస్ పార్టీ కార్యాలయం నందు ఏర్పాటు చేసిన విలేకరుల సమావేశం లో ఆయన మాట్లాడుతూ 2024 ఎన్నికల్లో కాంగ్రెస్ కు మహర్థశ రావడం కాయమన్నారు. ఆంధ్రప్రదేశ్ లో ప్రజా వ్యవస్థను ప్రభుత్వం కుప్ప కూల్చి, ప్రజల పైన కేసులు పెడుతున్నారని ధ్వజ మెత్తారు. ఆంధ్రప్రదేశ్ లో రాహుల్ గాంధీ ప్రవేశించినప్పటి నుండి, వేరే రాష్ట్రం లోకి అడుగు పెట్టె వరకు వేలాది గా ప్రజలు ఆయన వెంట నడవడం జరిగిందని గుర్తు చేశారు. ప్రధాని నరేంద్ర మోదీ, గత ఉప రాష్ట్ర పతి వెంకయ్య నాయుడు శ్రీవారి సాక్షి గా రాష్ట్ర ప్రజలను మోసం చేసారని ఆరోపించారు.

ముఖ్య మంత్రి జగన్ తనకు 25 ఎంపీ లను గెలిపిస్తే, పార్లమెంట్ ను స్తంభింపచేసి, ప్రత్యేక హోదాను తీసుకువస్తానని చెప్పిన వ్యక్తి దాన్ని విస్మరించడం, బిజెపికి మద్దతు పలికిన పార్టీగా చరిత్రలో నిలిచిందని ఎద్దేవ చేశారు. ఆంధ్రప్రదేశ్ లో రెండు రీజినల్ పార్టీల పాలన ను ప్రజలు చుశారని, కాంగ్రెస్ పార్టీ మాత్రమే ప్రజా రంజక పాలన ఇవ్వగలదనే విశ్వాసాన్ని వ్యక్తం చేయడం జరుగుతోందన్నారు. గతంలో 500 వున్న గ్యాస్ నేడు మూడు రెట్లు పెరిగి 1200 కు చేరువలో ఉందని, పెట్రోల్ డిజిల్ ధరలు బగ్గు మంటున్నాయని, కరెంటు ఛార్జిలకు రెక్కలు వచ్చాయన్నారు. బిజెపి కి ప్రజా విలువలు లేవన్నారు.

కాంగ్రెస్ పార్టీ అధికారం లోకి వస్తే ప్రత్యేక హోదా ఇస్తుందని తెలిపారు. 3 లక్ష్మల వరకు రైతులకు ఋణ మాపి చేసే పార్టీ కాంగ్రెస్ మాత్రమే నన్నారు. రాహుల్ ప్రధాని అయితే ప్రపంచ దేశాలు ముందు భారత్ ను గుర్తించే స్థాయి కి చేర్చడం ఖాయ మన్నారు. ఈ కార్యక్రమం లో ఓబిసి స్టేట్ జాయింట్ కో ఆర్డీనేటర్లు నాగూర్ వల్లి, వేమయ్య, పట్టణ అధ్యక్షులు రెడ్డి సాహెబ్, జిల్లా యూత్ కాంగ్రెస్ అధ్యక్షులు ఇంతియాజ్, పట్టణ జాయింట్ సెక్రటరీ నజీర్, మండల మైనార్టీ అధ్యక్షులు సయ్యద్ బాషా, టౌన్ ఎస్సీ సెల్ రాజేష్, మహిళా నాయకురాలు రెడ్డిభూ తో పాటు పలువురు పాల్గొన్నారు.