అమిత్ షాకు చంద్రబాబు ఫోన్..జన్మదిన శభాకాంక్షలు తెలిపిన మాజీ సీఎం
Andhra Pradesh Telugu | Suryaa Desk | Published : Sat, Oct 22, 2022, 08:17 PM
కేంద్ర హోంమంత్రి అమిత్ షాకు టీడీపీ అధినేత నారా చంద్రబాబు నాయుడు ఫోన్ చేసి జన్మదిన శభాకాంక్షలు తెలిపారు. ఇదిలావుంటే అమిత్ షా జన్మదినం సందర్భంగా శనివారం ఆయనకు దేశవ్యాప్తంగా ప్రముఖుల నుంచి శుభాకాంక్షలు వెల్లువెత్తాయి. టీడీపీ అధినేత నారా చంద్రబాబునాయుడు కూడా అమిత్ షాకు బర్త్ డే విషెస్ చెప్పారు. ఈ మేరకు శనివారం మధ్యాహ్నం సోషల్ మీడియా వేదికగా అమిత్ షాకు చంద్రబాబు జన్మదిన శభాకాంక్షలు తెలిపారు. అమిత్ షాకు ఆయురారోగ్యాలు సిద్దించాలని చంద్రబాబు ఆకాంక్షించారు.
సోషల్ మీడియా వేదికగా అమిత్ షాకు బర్త్ డే విషెస్ చెప్పినప్పటికీ...ఆ తర్వాత కేంద్ర హోం మంత్రికి చంద్రబాబు స్వయంగా ఫోన్ చేశారు. ఈ సందర్భంగా అమిత్ షాకు జన్మదిన శుభాకాంక్షలు తెలిపిన చంద్రబాబు... అమిత్ షా నిండు నూరేళ్లు ఆయురారోగ్యాలతో ఉండాలని ఆకాంక్షించారు. తనకు జన్మదిన శుభాకాంక్షలు తెలిపిన చంద్రబాబుకు అమిత్ షా ధన్యవాదాలు తెలియజేశారు.
|
|