16 స్నాచింగ్ కేసులలో ముద్దాయి అరెస్ట్ , 18 లక్షల విలువైన చోరీసొత్తు రికవరీ
Andhra Pradesh Telugu | Suryaa Desk | Published : Sun, Oct 23, 2022, 11:25 AM
విజయవాడ పరిధిలోని వీరులపాడులో జరిగిన స్నాచింగ్ కేసుధర్యాప్తులో భాగంగా చాకచక్యంగా అంతర్ రాష్ట్ర నేరస్థులను పట్టుకుని అరెస్ట్ చేసిన సిబ్బందిని నగదు రివార్డ్ లతో అభినందించిన నగర పోలీస్ కమీషనర్ శ్రీ కాంతి రాణా టాటా ఐ.పి.ఎస్.. గారు. వీరులపాడు గ్రామంలో జరిగిన స్నాచింగ్ కేసులో దర్యాప్తులో భాగంగా సాంకేతిక పరిజ్ఞానం సహాయం తో ఆంధ్ర మరియు తెలంగాణా పరిధిలో మొత్తం 16 స్నాచింగ్ కేసులలో సుమారు 18 లక్షల విలువైన చోరీసొత్తును రికవరీ చేసిన నందిగామ డివిజన్ ఏ.సి.పి.శ్రీ నాగేశ్వర రెడ్డి గారిని, నందిగామ రూరల్ ఇన స్పెక్టర్ శ్రీ నాగేంద్రకుమార్ గారిని, వీరులపాడు ఎస్.ఐ.సోమేశ్వరరావు గారిని మరియు వారి సిబ్బందిని ఈ రోజు ది.22.10.2022వ తేదీన పోలీస్ కమీషనర్ వారి కార్యాలయం నందు నగర పోలీస్ కమీషనర్ శ్రీ కాంతి రాణా టాటా ఐ.పి.ఎస్.గారు ప్రత్యేకంగా అభినందించి నగదు రివార్డ్ లను అందించడం జరిగింది. ఈ కార్యక్రమంలో నగర పోలీసు కమీషనర్ గారితో పాటు, రూరల్ డిప్యూటీ పోలీసు కమీషనర్ శ్రీమతి మేరీ ప్రశాంతి ఐ.పి.ఎస్.గారు, నందిగామ సబ్ డివిజన్ ఏ. సి.పి. శ్రీ నాగేశ్వర రెడ్డి గారు మరియు సిబ్బంది పాల్గొన్నారు.
|
|