విరాట్ కోహ్లీపై ఫేక్ ఫీల్డింగ్ ఆరోపణలు
sports | Suryaa Desk | Published : Thu, Nov 03, 2022, 12:58 PM
బుధవారం బంగ్లాదేశ్ తో జరిగిన మ్యాచ్ లో టీమిండియా 5 పరుగులు తేడాతో గెలిచిన విషయం తెలిసిందే. అయితే టీమిండియా క్రికెటర్ విరాట్ కోహ్లీ ఫేక్ ఫీల్డింగ్ చేశాడని బంగ్లా క్రికెటర్ నురుల్ హసన్ ఆరోపించాడు. ప్రస్తుతం ఈ ఫేక్ ఫీల్డింగ్ టాపిక్ ట్రెండింగ్ లో ఉంది. ఏడో ఓవర్ లో అక్షర్ పటేల్ బౌలింగ్ చేస్తుండగా ఈ ఫేక్ ఫీల్డింగ్ ఘటన జరిగింది. బంగ్లా బ్యాటర్లు పరుగులు తీస్తుండగా, తన దగ్గరికి వచ్చిన బంతిని అర్ష్దీప్ కీపర్కు విసిరాడు. అయితే మధ్యలో విరాట్ కోహ్లీ తన చేతిలో బాల్ లేకుండానే నాన్స్ట్రైకర్ వైపు త్రో వేస్తున్నట్లు నటించాడు. దీనిపైనే నురుల్ విమర్శలు చేశాడు. అయితే అందులో ఎలాంటి 'ఫేక్' ఫీల్డ్ లేదని పలువురు బంగ్లా క్రికెటర్ల ఆరోపణలను తప్పుపడుతున్నారు.
ఐసీసీ రూల్ ప్రకారం ఫీల్డర్ ఉద్దేశపూర్వకంగా వ్యవహరిస్తే అంపైర్లు ఆ బాల్ ను నో బాల్ గా ప్రకటించి, ప్రత్యర్థి జట్టుకు 5 రన్స్ ఇవ్వొచ్చు. ఫీల్డర్ ఫేక్ ఫీల్డింగ్ చేశాడని బ్యాటర్ కూడా అంపైర్ దృష్టికి తీసుకెళ్లే హక్కు ఉంది. కానీ నిన్నటి మ్యాచ్లో మాత్రం బ్యాటర్ కానీ, ఫీల్డ్ అంపైర్లు కానీ విరాట్ ది తప్పుగా పరిగణించలేదు. అప్పటికే బ్యాటర్లు క్రీజులోకి చేరుకున్నారని, కోహ్లీ బ్యాటర్ల దృష్టిని డిస్టర్బ్ చేయలేదు కాబట్టి, అంపైర్లపై విమర్శలు చేసిన నురుల్ హసన్ పై ఐసీసీ చర్యలు తీసుకునే అవకాశం ఉందని నెటిజన్లు చర్చించుకుంటున్నారు.
|
|