ట్రెండింగ్
అదృశ్యమైన విద్యార్థుల ఆచూకీ లభ్యం
Andhra Pradesh Telugu | Suryaa Desk | Published : Mon, Nov 14, 2022, 12:14 PM
అదృశ్యమైన ఐదుగురు తిరుపతి విద్యార్థులు ఆగ్రాలో ఉన్నట్టు వెస్ట్ పోలీసులు ఆదివారం గుర్తించారు. ఈనెల 9వ తేదీన ఐదుగురు విద్యార్థులు స్టడీఅవర్ కోసం పాఠశాలకు వెళ్లినవారు తిరిగి రాలేదు. విద్యార్థుల అదృశ్యం పై కేసు నమోదుచేసిన పోలీసులు వారికోసం ఐదు బృందాలు ఏర్పాటుచేసి వెతుకుతున్నారు. అయితే వారందరూ కూడా ఉత్తరప్రదేశ్ ఆగ్రాలో ఉన్నట్టు వెస్ట్ పోలీసులు గుర్తించారు. దీంతో విద్యార్థుల తల్లిదండ్రులు, పోలీసులు ఊపిరి పీల్చు కున్నారు. వారు ఆగ్రాలో ఉన్నట్టు తెలుసుకున్న పోలీసులు తక్షణం అక్కడి పోలీసులకు సమాచారం అందించారు. విద్యార్థులను తీసుకువచ్చేందుకు తిరుపతి వెస్ట్ పోలీసులు హుటాహుటిన ఆగ్రాకు పయనమయ్యారు. సోమవారం సాయంత్రానికి విద్యార్థులు తిరుపతికి చేరుకుంటారని తిరుపతి వెస్ట్ సీఐ శివప్రసాద్ తెలిపారు.
|
|