ట్రెండింగ్
భద్రాద్రి రామయ్యకు స్వర్ణ తులసి పూజలు
Bhakthi | Suryaa Desk | Published : Sat, Nov 19, 2022, 01:49 PM
భద్రాచలం శ్రీసీతారామచంద్రస్వామి వారికి శనివారం స్వర్ణ తులసి పూజలను అర్చకులు అత్యంత వైభవోపేతంగా నిర్వహించారు. తెల్లవారుజామున మూలమూర్తులకు సుప్రభాత సేవ, ఆరాధన, సేవాకాలం తదితర పూజా కార్యక్రమాలను అర్చకులు నిర్వహించారు. అనంతరం గోదావరి తీర్థ జలాలతో నిత్యకళ్యాణ మూలవరులకు అభిషేకం, తిరుమంజనం జరిపించారు. నిత్య కళ్యాణమూర్తులను మేళతాళాలతో ఆలయం నుంచి బేడ మండపానికి తీసుకువచ్చి ఘనంగా రామయ్య నిత్యకళ్యాణం నిర్వహించారు. ఈ కార్యక్రమంలో ఆలయ అర్చకులు, అధికారులు, భక్తులు అధిక సంఖ్యలో పాల్గొన్నారు.
|
|