ట్రెండింగ్
మెగాస్టార్ కు ప్రతిష్టాత్మక పురస్కారం
Andhra Pradesh Telugu | Suryaa Desk | Published : Sun, Nov 20, 2022, 09:34 PM
టాలీవుడ్ లో మెగాస్టార్ గా పేరుగాంచిన చిరంజీవి ఎన్నో అవార్డుల..పురష్కరాలను సొంతం చేసుకొన్నారు. తాజాగా ఆయనకు మరో ప్రతిష్ఠాత్మక పురస్కారం వరించింది. చిరంజీవిని ఇండియన్ ఫిల్మ్ పర్సనాలిటీ ఆఫ్ ద ఇయర్-2022 అవార్డు వరించింది. 53వ ఇంటర్నేషనల్ ఫిల్మ్ ఫెస్టివల్ ఆఫ్ ఇండియా (ఇఫీ) చలనచిత్రోత్సవం నేడు ప్రారంభమైన నేపథ్యంలో కేంద్ర ప్రభుత్వం ఈ పురస్కారాన్ని ప్రకటించింది. దాదాపు 40 ఏళ్ల సుదీర్ఘ సినీ ప్రస్థానంలో చిరంజీవి 150కి పైగా చిత్రాల్లో నటించారని పేర్కొంది. ఈ మేరకు కేంద్ర ప్రెస్ ఇన్ఫర్మేషన్ బ్యూరో సోషల్ మీడియాలో వెల్లడించింది. గోవా వేదికగా ఇఫీ చలనచిత్రోత్సవం నేటి (నవంబరు 20) నుంచి ఈ నెల 28 వరకు జరగనుంది.
|
|