మావోయిస్టుల వద్ద అమెరికా తుపాకీ...స్వాధీనం చేసుకొన్న పోలీసులు
national | Suryaa Desk | Published : Sun, Dec 04, 2022, 09:49 PM
సాంకేతికత అందుబాటులోకి వచ్చాక విశ్వమంతా ఓ ఫోన్లో బంధించబడింది. ఈ నేపథ్యంలో ఏ దేశంలో దొరికే వస్తువైనా మన ముంగిట వాల్లుతోంది. ఇదిలావుంటే కొన్నిరోజుల కిందట చత్తీస్ గఢ్ లోని బీజాపూర్ జిల్లాలో భీకర ఎన్ కౌంటర్ జరిగింది. ఈ ఘటనలో నలుగురు మావోయిస్టులు మృతి చెందారు. ఈ సందర్భంగా ఘటన స్థలంలో మావోయిస్టులకు సంబంధించిన ఆయుధాలను పోలీసులు స్వాధీనం చేసుకున్నారు. ఆ ఆయుధాల్లో అమెరికా తయారీ తుపాకీ కూడా ఉండడం ఆశ్చర్యం కలిగించింది. ఎందుకంటే ఇది రెండో ప్రపంచ యుద్ధం నాటి తుపాకీ. దీన్ని ఎం1 కార్బైన్ తుపాకీగా పిలుస్తారు. దీన్ని అమెరికా బలగాలు రెండో ప్రపంచ యుద్ధంలోనూ, వియత్నాం యుద్ధం, కొరియా వార్ లోనూ ఉపయోగించాయి. ఎం1 కార్బైన్ తుపాకీ బ్యారెల్ చాలా చిన్నదిగా ఉంటుంది. ఇతర అస్సాల్ట్ తుపాకులతో పోల్చితే దీని నిర్వహణ, వినియోగం చాలా సులభం అని పోలీసులు తెలిపారు. అయితే ఈ అమెరికా తుపాకీ నక్సల్స్ కు ఎలా అందిందో తెలుసుకునేందుకు పోలీసులు ప్రయత్నిస్తున్నారు. తుపాకీపై ఉండే సీరియల్ నెంబర్ ఆధారంగా దర్యాప్తు చేయనున్నారు.
|
|