ట్రెండింగ్
చంద్రబాబుకు బుద్ధి చెప్పండి: సీఎం జగన్
Andhra Pradesh Telugu | Suryaa Desk | Published : Wed, Dec 07, 2022, 02:26 PM
విజయవాడలో జరుగుతున్న వైసీపీ జయహో బీసీ మహాసభలో సీఎం జగన్ మాట్లాడుతూ టీడీపీ అధినేత చంద్రబాబుపై విమర్శలు గుప్పించారు. చంద్రబాబుకు ఇవే చివరి ఎన్నికలు అని అన్నారు. సీఎం జగన్ మాట్లాడుతూ '2014-19 మధ్య చంద్రబాబు ఒక్క బీసీని కూడా రాజ్యసభకు పంపలేదు. రాజ్యాధికారంలో బీసీలు భాగస్వామ్యమని చంద్రబాబుకు చెప్పండి. చంద్రబాబు హయాంలో ఇచ్చిన హామీలు ఏమయ్యాయని వారికి గుర్తు చేయండి. బీసీలకు ఇచ్చిన హామీలను చంద్రబాబుకు గుర్తు చేయండి. ఖబడ్దార్ మీ అంతు చూస్తామని బీసీలను చంద్రబాబు బెదిరించారు. చంద్రబాబు చేసిన మోసాలు, నయవంచనను వారికి గుర్తుచేయండి. నాయీబ్రాహ్మణుల తోకలు కత్తిరిస్తానన్న చంద్రబాబుకు బుద్ధి చెప్పండి. ఏలూరులో బీసీ డిక్లరేషన్ ను గుర్తుంచుకోండి. బీసీ కులాలకు ఇచ్చిన హామీలను అన్నింటినీ నెరవేర్చాం' అని అన్నారు.
|
|