అసభ్యకరంగా ప్రవర్తించిన వ్యక్తికి దేహశుద్ధి
Andhra Pradesh Telugu | Suryaa Desk | Published : Thu, Dec 08, 2022, 04:43 PM
ఉన్నత పాఠశాల విద్యార్థినులతో అసభ్యకరంగా ప్రవర్తించిన ఓవ్యక్తిని స్థానికులు పట్టు కొని దేహశుద్ధి చేసిన ఘటన పలాస లోని స్థానిక మహాత్మాగాంధీ షాపింగ్ కాంప్లెక్స్ సమీపంలో బుధవారం సాయంత్రం జరిగింది. పాఠశాల విడిచిపెట్టిన తరువాత దూరప్రాంతాలకు చెందిన విద్యార్థినులు వ్యాన్ ఎక్కేందుకు వెళ్తుండగా ఓ వ్యక్తి తప్పతాగి వచ్చి వారితో అసభ్యకరం గా వ్యవహరించాడు. దీంతో విద్యార్థినులు రోధిస్తుండడంతో స్థానికంగా ఉన్న ఆటో కార్మికులు వచ్చి విషయం తెలుసుకున్నారు. సదరు వ్యక్తిని పట్టుకుని దేహ శుద్ధి చేసి పంపించేశారు. ఇదిలా ఉండగా హైస్కూల్ విడిచిపెట్టే సమయంలో యువకులు ఈ ప్రాంతంలో చక్కర్లు కొడుతూ విద్యార్థినులతో అసభ్యకరంగా వ్యవహరిస్తున్నారని స్థానికులు చెబుతున్నారు. వారపుసంత (శుక్రవారం)రోజున కూడా రద్దీ వల్ల విద్యార్థినులు ఇళ్లకు చేరుకునేందుకు ఇబ్బందులు ఎదుర్కొం టున్నారు. పోలీసులు దృష్టి సారించి పాఠశాల విడిచిపెట్టే సమయంలో నిఘా ఏర్పాటు చేయాలని స్థానికులు కోరుతున్నారు.
|
|