పాత కక్షలతో బుర్లవారిపాలెంలో ఎక్సైజ్ కానిస్టేబుల్ పై దాడి
Andhra Pradesh Telugu | Suryaa Desk | Published : Wed, Jan 04, 2023, 10:38 AM
పాత కక్షలతో చీరాల మండలం బుర్లవారిపాలెం గ్రామంలో తలతోటి రత్నకుమార్ అనే చీరాల ఎక్సైజ్ కానిస్టేబుల్ పై దాడి జరగగా అతను తీవ్రంగా గాయపడ్డాడు. ఈ మేరకు ఫిర్యాదు అందడంతో చీరాల రూరల్ పోలీసులు మంగళవారం రాత్రి కేసు నమోదు చేశారు.ఎస్సై జనార్దన్ కధనం మేరకు రత్నకుమార్ కు అదే గ్రామానికి చెందిన చింతా సుధీర్, రాహుల్, బోసు, రాజులకు మధ్య పాత గొడవలు ఉన్నాయి. ఈ నేపథ్యంలో మంగళవారం రత్న కుమార్ ఇంటికి వచ్చి ఆ నలుగురు ఆయనతో గొడవ పెట్టుకున్నారు. తదుపరి వారు పదునైన ఆయుధాలు, కర్రలతో మూకుమ్మడిగా దాడి చేయగా రత్న కుమార్ ఎడమ గుండెపై తీవ్ర గాయమైంది. వారిని భార్య అడ్డుకోబోగా ఆమెనూ కొట్టారు. ఇరుగుపొరుగు వచ్చి వారిని రక్షించారు తదుపరి క్షతగాత్రుడిని కుమారుడు చీరాల ప్రభుత్వ ఆసుపత్రికి తరలించాడు. ఈ మేరకు ఫిర్యాదు అందగా ఆనలుగురిపై కేసు నమోదు చేసి దర్యాప్తు చేపట్టినట్లు ఎస్సై జనార్ధన్ వివరించారు.
|
|