వైభవంగా పోలేరమ్మ తిరనాళ్ల
Andhra Pradesh Telugu | Suryaa Desk | Published : Thu, Jan 12, 2023, 02:46 PM
నెల్లూరు జిల్లా, కావలి పరిధిలోని అల్లూరు పోలేరమ్మ తిరనాళ్లలో భాగంగా అమ్మవారి గ్రామోత్సవాన్ని వైభవంగా నిర్వహించారు. మంగళవారం అర్ధరాత్రి దాటిన తరువాత అమ్మవారు ప్రత్యేక పూలాలంకరణలో అశ్వవాహనంపై కొలువుదీరి గ్రామోత్సవానికి తరలగా భక్తులు విశేషంగా తరలివచ్చి కరతాళ ధ్వనులతో స్వాగతం పలికారు. ఆచారానుగుణమైన గంగపెట్ట, వీరతాళ్లుతోపాటు పలు ప్రత్యేకమైన సాంస్కృతిక కార్యక్రమాలను గ్రామోత్సవంలో ఉంచి భక్తులకు ఆహ్లాదాన్ని అందించే విధంగా నిర్వహించారు. కావలి ఏఎంసీ మాజీ చైర్మన్ మన్నెమాల సుకుమార్రెడ్డి ఆధ్వర్యంలో బుధవారం సాయంత్రం వరకు గ్రామోత్సవం కొనసాగింది. సాంస్కృతిక కార్యక్రమాలు భక్తులను అలరించాయి. డీజే సౌండ్స్, తప్పెట్లు, తీన్మార్ బ్యాంక్, కోలాటాలు, వివిధ గిరిజన నాట్యాలు తదితర కార్యక్రమాలు ఎంతో ఆకర్షణీయంగా ఉన్నాయి. ట్రాలీ మ్యూజికల్ నైట్ ఈ ఏడాది ప్రత్యేకతను సంతరించుకుంది. ఈ సందర్భంగా ఏర్పాటు చేసిన మ్యూజికల్ నైట్లో జబర్దస్ట్ నటులు బుల్లెట్ భాస్కర్, నరేష్ టీమ్తోపాటు పల్సర్ బైక్ గాయకుడు రమణ, నృత్యప్రదర్శనల ఝాన్సీ, సినీ గాయకుడు ఽధనుంజయలతోపాటు పలు సాంస్కృతిక కార్యక్రమాలు అలరించాయి.
|
|