కొలాటంగా వైశాఖి స్పోర్ట్స్ పార్క్
Andhra Pradesh Telugu | Suryaa Desk | Published : Sat, Jan 14, 2023, 01:38 PM
జీవీఎంసీ 50 వ వార్డు మురళీ నగర్ వైశాఖి స్పోర్ట్స్ స్కేటింగ్ పార్క్ లో సంక్రాంతి వేడుకలు శనివారం ఘనంగా నిర్వహించారు. ఉత్సవాలు భోగి మంటలతో వేడుకలు ప్రారంభమయ్యాయి. వందల సంఖ్యలో స్థానికులు ఉదయాన్నే వైశాఖి స్పోర్ట్స్ పార్క్ కు చేరుకున్నారు. హరిదాసులు. గంగిరెద్దులు. కోలాటాల మధ్య ఉత్సాహంగా స్థానికులు గడిపారు. తమ గ్రామంలో ఉత్సావాలు జరుపుకోవడం సంతోషం కలిగించిందని స్థానికులు పేర్కొన్నారు.
చిన్నారులు మహిళలు సంప్రదాయ వస్త్రాలతో కనువిందు చేసారు. ఈసందర్భంగా వైశాఖి స్పోర్ట్స్ స్కేటింగ్ పార్క్ అద్యక్షులు సనపల వరప్రసాద్ మాట్లాడుతూ పట్నంలో పల్లె వాతావరణాన్ని తలపించే విదంగా ప్రతి ఎడాది సంక్రాంతి సంబరాలు నిర్వహిస్తున్నామని అన్నారు.
గతానికి వీడ్కోలు పలుకుతూ రేపటి జీవిత సంక్రాంతి ని స్వాగతం పలికే భోగి పండుగ వేడుకలు సొంత గ్రామాలలో భక్తిశ్రద్ధలతో చేసుకుని సంక్రాంతి పండుగను ఆస్వాదించి ప్రతి కుటుంబం పండుగ వేళ ఆనందోత్సవంతో ఉండాలని ఆకాంక్షించారు.
|
|