ఉద్యమకారుల అడుగుజాడల్లో నడవాలి
Andhra Pradesh Telugu | Suryaa Desk | Published : Tue, Jan 17, 2023, 04:42 PM
నాటి ఉద్యమకారుల అడుగుజాడల్లో నేటి కార్యకర్తలు నడుచుకోవాలని సిపిఐ సీనియర్ నాయకులు అబ్దుల్ ఖాదర్ పేర్కొన్నారు. పోరుమామిళ్ల పట్టణంలోని తిరుపతి రెడ్డి నగర్ లో చెన్న కృష్ణారెడ్డి 30వ వర్ధంతి సందర్భంగా ఆయన చిత్రపటానికి పూలమాలవేసి నివాళులర్పించారు. ఈ సందర్భంగా సిపిఐ జిల్లా కార్యవర్గ సభ్యులు వీరశేఖర్, ఏరియా కార్యదర్శి జకరయ్య లు మాట్లాడుతూ కల్లూరి చెన్న కృష్ణారెడ్డి, ఒక మారుమూల ప్రాంతం ఎర్రసాల గ్రామంలో జన్మించి, భారత కమ్యూనిస్టు పార్టీ సిపిఐ పార్టీలో కష్టపడి పని చేసిన వ్యక్తి కృష్ణారెడ్డి అన్నారు. అలాగే గండికోట , తెలుగు గంగ, గాలేరు నగిరి, ప్రాజెక్టుల నిర్మాణం కోసం, కల్లూరి తిరుపతిరెడ్డి, ఖాదర్ ఖాన్, అబ్దుల్ ఖాదర్ సరసన ఉద్యమంలో ఒకరై ఈ ప్రాంత ఉద్యమంలో కమ్యూనిస్టు పార్టీ కార్యకర్తలు తయారు చేయడంలో, కీలక భాగస్వామిగా నడుచుకున్న వ్యక్తి అన్నారు. ఈ కార్యక్రమంలో సిపిఐ ఏరియా సహాయ కార్యదర్శి పిడుగు మస్తాన్, పట్టణ సహాయ కార్యదర్శి కేశవ, శాఖ కార్యదర్శి వెంకటేశ్వర్లు, బెల్లం బాషా, పిరయ్య, శ్రీనివాసులు, చాంద్ భాషా, ఓబులేసు, శ్రీను,రామసుబ్బయ్య, వెంకటేష్, షాహిదా, ఇమాంబి, కార్యకర్తలు పాల్గొన్నారు.
|
|