ఎఫ్డీలపై వడ్డీ రేట్టు పెంచుతూ హెచ్‌డీఎఫ్‌సీ బ్యాంక్ నిర్ణయంం

ఫిక్స్‌డ్ డిపాజిట్లపై వడ్డీ రేట్లు పెంచుతున్నట్లు హెచ్‌డీఎఫ్‌సీ బ్యాంక్ స్పష్టం చేసింది. ఎంపిక చేసిన కాలవ్యవధులకు చెందిన ఎఫ్డీ లపై వడ్డీ రేట్ల పెంపు వర్తిస్తుంది. డిపాజిట్ అమౌంట్ కూడా రూ.2 కోట్లకు లోబడి ఉండాలని పేర్కొంది. బ్యాంక్ అధికారిక వెబ్‌సైట్ ప్రకారం.. పెంచిన వడ్డీ రేట్లు జనవరి 24.. అంటే నేటి నుంచే అమల్లోకి వచ్చాయి. ఇప్పుడు సవరణ చేసిన తర్వాత.. ఫిక్స్‌డ్ టర్మ్ డిపాజిట్లపై హెచ్‌డీఎఫ్‌సీ బ్యాంక్ 3 శాతం నుంచి 7 శాతం వరకు వడ్డీ అందిస్తోంది. అయితే ఇది సాధారణ ప్రజలకు. అయితే సీనియర్ సిటిజెన్లు అదనపు ప్రయోజనం పొందనున్నారు. వీరికి FDలపై వడ్డీ రేట్లు 3.50 శాతం నుంచి 7.50 శాతంగా ఉన్నాయి. 7 రోజుల నుంచి 10 సంవత్సరాల టెన్యూర్ ఉన్న ఫిక్స్‌డ్ డిపాజిట్లలో ఎంపిక చేసిన వాటికి ఈ నిర్ణయం వర్తించనుంది.

7 రోజుల నుంచి 29 రోజుల్లో ముగిసే ఫిక్స్‌డ్ డిపాజిట్లపై హెచ్‌డీఎఫ్‌సీ బ్యాంక్ 3 శాతం వడ్డీ ఆఫర్ చేస్తోంది. 30- 45 రోజుల టెన్యూర్ ఎఫ్‌డీలపై 3.50 శాతం వడ్డీ ఇవ్వనుంది. ఇక 46 నుంచి 60 రోజులు, 61 నుంచి 89 రోజులు, 90 రోజుల నుంచి 6 నెలల్లోపు ముగిసే ఫిక్స్‌డ్ డిపాజిట్లపై వడ్డీ రేటు 4.50 శాతంగా నిర్ణయించింది హెచ్‌డీఎఫ్‌సీ బ్యాంక్.

15 నెలల పైబడిన ఏ టెన్యూర్‌కు అయినా హెచ్‌డీఎఫ్‌సీ బ్యాంక్ అత్యధికంగా 7 శాతం వడ్డీ ఆఫర్ చేస్తుంది. ఇదే సీనియర్ సిటిజెన్ల విషయానికి వస్తే సాధారణ ప్రజలతో పోలిస్తే అదనపు ప్రయోజనం దక్కనుంది. ఇతర టెన్యూర్ ఉన్న FD లపై సాధారణ ప్రజలతో పోలిస్తే వీరికి వడ్డీ రేటు 50 బేసిస్ పాయింట్లు ఎక్కువే ఉంది.

అయితే ఇదే 5 సంవత్సరాల ఒక రోజు నుంచి పదేళ్ల కాలవ్యవధి ఉన్న ఫిక్స్‌డ్ డిపాజిట్లపై 75 బేసిస్ పాయింట్ల వడ్డీ ఎక్కువగా అందనుంది. దీనిపై గరిష్టంగా సీనియర్ సిటిజెన్లకు 7.75 శాతం వడ్డీ అందుతోంది. ఇక ప్రీమెచ్యూర్ విత్‌డ్రాయల్ అంటే.. గడువు కంటే ముందుగానే విత్‌డ్రా నగదు విత్‌డ్రా చేసుకుంటే.. వడ్డీ రేటు నిర్ణయించినదాని కంటే తక్కువే వస్తుంది. దీనిని బ్యాంకులు నిర్ణయిస్తాయి.

సాధారణంగా ద్రవ్యోల్బణాన్ని కట్టడి చేసేందుకు కేంద్ర బ్యాంకులు వడ్డీ రేట్లను పెంచుతుంటాయి. ఇదే సమయంలో బ్యాంకులపై భారం పడుతుంది. దీంతో.. వెంటనే రుణాలపై వడ్డీ రేట్లను పెంచి బ్యాంకులు.. కస్టమర్లపై భారాన్ని మోపుతాయి. ఇదే క్రమంలో ఫిక్స్‌డ్ డిపాజిట్లపైనా వడ్డీ రేట్లను అధికంగా ఇచ్చి కాస్త ఉపశమనం ఇస్తుంటాయి.