ట్రెండింగ్
సీఎం అయ్యాక జగన్ మాటమార్చారు: సోమువీర్రాజు
Andhra Pradesh Telugu | Suryaa Desk | Published : Tue, Jan 31, 2023, 11:21 PM
సీఎం అయ్యాక జగన్ మాటమార్చుతున్నారని ఏపీ బీజేపీ చీఫ్ సోమువీర్రాజు మండిపడ్డారు. అమరావతిలోనే రాజధాని ఉంటుందని, తాను కూడా అమరావతిలో ఇల్లు కట్టుకున్నానని సీఎం కాకముందు జగన్ చెప్పలేదా? అని నిలదీశారు. ఏపీకి విశాఖ రాజధాని అవుతోందని, తాను కూడా త్వరలోనే విశాఖకు షిఫ్ట్ అవుతున్నానని సీఎం జగన్ ఇవాళ గ్లోబల్ ఇన్వెస్టర్స్ సమావేశంలో చెప్పిన సంగతి తెలిసిందే. దీనిపై సోము వీర్రాజు విమర్శనాస్త్రాలు సంధించారు. అమరావతి రాజధాని కోసం కేంద్రం రూ.2,500 కోట్లు ఇచ్చిందని, విశాఖ రాజధాని అన్న సీఎం జగన్ రూ.500 కోట్లయినా ఇచ్చారా? అని ప్రశ్నించారు. ఏపీకి అమరావతే రాజధానిగా ఉండాలని, బీజేపీ రాష్ట్ర నాయకత్వం వైఖరి అదేనని సోము వీర్రాజు స్పష్టం చేశారు.
|
|