ఈసారి నగరిలో ఎలాగైనా గెలవాలి.. పార్టీ కార్యకర్తలకు నారా లోకేష్ పిలుపు
Andhra Pradesh Telugu | Suryaa Desk | Published : Mon, Feb 13, 2023, 08:04 PM
ఈసారి నగరిలో ఎలాగైనా టిడిపి గెలవాలని ఆ పార్టీ నేతలు, కార్యకర్తలకు ఆ పార్టీ జాతీయ ప్రధాన కార్యదర్శి నారా లోకేష్ పిలుపునిచ్చారు. టీడీపీ అగ్రనేత నారా లోకేశ్ యువగళం పాదయాత్ర చిత్తూరు జిల్లా నగరి నియోజకవర్గంలో కొనసాగుతోంది. పాదయాత్ర ఈ సాయంత్రం నగరి పట్టణానికి చేరుకోగా, అక్కడ ఏర్పాటు చేసిన సభలో లోకేశ్ ప్రసంగించారు. గత ఎన్నికల్లో మనం నగరిలో గెలవలేకపోయామని, జబర్దస్త్ ఆంటీ గెలిచిందని పరోక్షంగా మంత్రి రోజాను ఉద్దేశించి వ్యాఖ్యానించారు. ఈసారి ఎన్నికల్లో ఆ చరిత్రను తిరగరాయాలని పిలుపునిచ్చారు. మళ్లీ మనం నగరిలో గెలవాలంటే కలసికట్టుగా పోరాడాల్సిన అవసరం ఉందని టీడీపీ కార్యకర్తలకు స్పష్టం చేశారు. "టీడీపీ గెలుపు కోసం ఊరూరా తిరగండి... కష్టపడింది. ఇక్కడో కుర్రాడు భాను ఉన్నాడు... కష్టపడి పనిచేస్తాడు. అతడిని దీవించండి. మంచి మెజారిటీతో గెలిపించి అసెంబ్లీకి పంపించండి" అని పేర్కొన్నారు.
|
|