ఛత్తీస్గఢ్ నక్సల్స్ దాడిలో ఇద్దరు జవాన్లు మృతి
national | Suryaa Desk | Published : Tue, Feb 21, 2023, 12:05 AM
ఛత్తీస్‌గఢ్‌లోని రాజ్‌నంద్‌గావ్ జిల్లాలో సోమవారం జరిగిన నక్సల్స్ దాడిలో జిల్లా పోలీసు కానిస్టేబుల్‌తో సహా ఇద్దరు భద్రతా సిబ్బంది మరణించినట్లు పోలీసు అధికారి తెలిపారు. ఈ దాడిలో జిల్లా బలగాలకు చెందిన ఒక కానిస్టేబుల్, ఛత్తీస్గఢ్ ఆర్మ్‌డ్‌ ఫోర్స్‌ (సీఏఎఫ్‌)కి చెందిన ఒక జవాన్ మృతి చెందినట్లు అధికారి తెలిపారు. మరణించిన భద్రతా సిబ్బందిని డిఎఫ్ హెడ్ కానిస్టేబుల్ రాజేష్ సింగ్ రాజ్‌పుత్ మరియు సిఎఎఫ్ జవాన్ లలిత్ కుమార్ సమర్థ్‌గా గుర్తించినట్లు అధికారి వివరించారు. ఈ దాడిలో, హెడ్ కానిస్టేబుల్ రాజ్‌పుత్‌కు ఆరు బుల్లెట్ గాయాలు తగిలి అక్కడికక్కడే మరణించగా, లలిత్ తలపై బుల్లెట్ గాయమైంది. బుల్లెట్ గాయాలతో ఆస్పత్రికి తరలిస్తుండగా మార్గమధ్యలో లలిత్ మృతి చెందాడు.ఈ ఘటనపై సమాచారం అందుకున్న దుర్గ్ రేంజ్ ఐజీ ఆనంద్ ఛబ్రా సంఘటనా స్థలానికి చేరుకుని పరిస్థితిని పరిశీలించినట్లు ఏఎస్పీ పాట్లే తెలిపారు.
|
|