ట్రెండింగ్
విద్యార్థినికి పాము కాటు
Andhra Pradesh Telugu | Suryaa Desk | Published : Wed, Feb 22, 2023, 02:09 PM
నల్లమాడ మండలంలోని మసకవంకపల్లి ప్రాథమిక పాఠశాలలో గౌతమి అనే 5వ తరగతి విద్యార్థిని పాము కాటుకుగురైంది. మధ్యాహ్నం భోజనం చేసిన అనంతరం తోటి విద్యార్థులతో కలసి ఆడుకొంటూ తరగతి గదిలో తలుపు చాటున ఉండగా విద్యార్థిని కుడికాలు తొడపై పాము కాటు వేసినట్లు సమాచారం పామును చూసిన విద్యార్థులు గట్టిగా కేకలు వేయడంతో సమీపంలోని రచ్చకట్టపై కూర్చొనిఉన్న గ్రామస్తులు హుటాహుటిన అక్కడికి చేరుకొని పాము (జెర్రిపోతు)ను చంపివేశారు. చికిత్స కోసం గౌతమిని 108లో కదిరి ప్రభుత్వాస్పత్రికి తరలించినట్లు తండ్రి నాగరాజు, గ్రామ మాజీ సర్పంచ్ ఎస్. రాంమోహన్రెడ్డి తెలిపారు.
|
|